گھوٹکی کےحلقہ پی ایس 7 میں ضمنی انتخاب کےلیےپولنگ جاری -
The news is by your side.

Advertisement

گھوٹکی کےحلقہ پی ایس 7 میں ضمنی انتخاب کےلیےپولنگ جاری

گھوٹکی : گھوٹکی کے حلقہ پی ایس 7 میں ضمنی الیکشن کے لیے پولنگ جاری ہے، حلقے میں پیپلزپارٹی اور فنکشنل لیگ کے درمیان کانٹے کا مقابلہ متوقع ہے۔

تفصیلات کے مطابق گھوٹکی کے حلقہ پی ایس 7 میں ضمنی الیکشن کے لیے پولنگ صبح 8 بجے سے شروع ہو گئی جو بغیر کسی وقفے کے شام 5 بجے تک جاری رہے گی۔

حلقہ پی ایس 7 میرپور ماتھیلو اور ڈہرکی کے علاقوں پرمشتمل ہے، حلقے میں پیپلزپارٹی کے باری پتافی اور فنکشنل لیگ کےمیاں مجن میں کانٹے کا مقابلہ متوقع ہے۔

گھوٹکی کے حلقہ پی ایس 7 میں رجسٹرڈ ووٹرز کی تعداد ایک لاکھ 79 ہزار 843 ہے جن کے لیے 164 پولنگ اسٹیشن بنائے گئے ہیں، حلقے میں پیپلزپارٹی اور فنکشنل لیگ سمیت 7 آزاد امیدوار الیکشن لڑرہے ہیں۔

جن کے لئے 164 پولنگ اسٹیشن بنائے گئے ہیںپیپلز پارٹی اور فنکشنل لیگ سمیت 7 آزاد امیدوار میدان میں ہیں،فنکشنل لیگ کے میاں مجن اور پیپلزپارٹی کے باری پتافی میں کانٹے کا مقابلہ متوقع ہے۔ حلقے میں 3500 پولیس اہلکاروں سمیت رینجرزاورپاک فوج کے جوان تعینات ہیں۔

خیال رہے کہ رواں سال جنوری میں گھوٹکی سے منتخب ہونے والے رکن سندھ اسمبلی اور پیپلزپارٹی کے رہنما سردار احمد علی خان پتافی کے انتقال کے بعد یہ نشست خالی ہوئی تھی۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں