site
stats
سندھ

پی ایس 114: ووٹوں کی دوبارہ گنتی کی درخواست پرفیصلہ محفوظ

کراچی : الیکشن کمیشن نے سندھ اسمبلی کے حلقہ پی ایس 114 کراچی میں ہونے والے ضمنی انتخاب میں ووٹوں کی دوبارہ گنتی کی درخواست پرفیصلہ محفوظ کرلیا۔

تفصیلات کے مطابق متحدہ قومی موومنٹ پاکستان نے سندھ اسمبلی کے حلقے پی ایس 114 کے ضمنی انتخاب کے نتائج کو الیکشن کمیشن میں چیلنج کیا تھا۔

الیکشن کمیشن میں پیپلز پارٹی کے وکیل اعتزاز احسن نے کہا کہ الیکشن والے دن پورے حلقے میں نہ تو کوئی دھاندلی ہو ئی اورنہ ہی کوئی کوئی گڑ بڑکا واقعہ پیش آیا۔

انہوں نے کہا کہ بہترسیکورٹی اور امن وامان سے متعلق الیکشن کمیشن اور رینجرز نے بھی اپنے اطمینان کا اظہار کیا ہے۔


مزید پڑھیں: الیکشن کمیشن نےسعیدغنی کی کامیابی کانوٹیفکیشن روک دیا


پاکستان پیپلز پارٹی کے رہنما سعید غنی نے کہا کہ ایم کیو ایم کو بدلتے ہوئے حالات کو سمجھنا ہوگا اور جعلی ووٹ کے نہ پڑنے کہ وجہ سے دو ہزاراٹھارہ کے الیکشن میں ایم کیو ایم کا کراچی سے مکمل صفایا ہو جائے گا۔


مزید پڑھیں: سات ہزارووٹ کیسے آئے؟ بےنقاب کرینگے، کامران ٹیسوری


یاد رہے کہ 9 جولائی کو پی ایس 114 میں ہونے والے ضمنی انتخاب میں پی پی پی کے امیدوار سعید غنی نے متحدہ قومی موومنٹ پاکستان کے کامران ٹیسوری کو 5734 ووٹوں کے فرق سے شکست دے کر میدان مارلیا تھا جبکہ پاکستان مسلم لیگ ن تیسرے نمبر پر رہی تھی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top