ارجنٹینا اور فرانسیسی کلب پی ایس جی کے اسٹار فٹبالر لیونل میسی کا کورونا ٹیسٹ مثبت آ گیا۔
بین الاقوامی میڈیا رپورٹس کے مطابق لیونل میسی کے علاوہ کلب کےتین مزید کھلاڑیوں میں وائرس کی تشخیص ہوئی ہے۔ کلب نے کھلاڑیوں کے کورونا میں مبتلا ہونے کی تصدیق کر دی ہے۔
وائرس سے متاثرہ تمام کھلاڑیوں کو قرنطینہ کر دیا گیا ہے۔
PSG confirm Lionel Messi has tested positive for COVID-19 pic.twitter.com/5MeaeqWLUd
— B/R Football (@brfootball) January 2, 2022
پی ایس جی کلب نے ہفتے کی رات ایک بیان میں کہا تھا کہ عملے کے ایک رکن کو بھی COVID-19 ہوا تھا تاہم اس موقع پر ان میں سے کسی کا نام نہیں لیا گیا تھا۔
لیکن ٹیم کی میڈیکل نیوز پر اتوار کو ایک مزید بیان میں کلب نے میسی، لیفٹ بیک جوآن برناٹ، بیک اپ گولی سرجیو ریکو اور 19 سالہ مڈفیلڈر ناتھن بٹومازالا کا نام دیا ہے جو کورونا میں مبتلا ہوئے ہیں۔