کراچی (21 جنوری 2026): پی ایس ایل کے 11 ویں سیزن میں دو نئی ٹیمیں بھی شامل ہیں سیالکوٹ کا مکمل نام کیا ہوگا اس کا اعلان ہو گیا ہے۔
پاکستان سپر لیگ کا 11 واں سیزن رواں برس مارچ، اپریل میں کھیلا جائے گا اور پہلی بار 8 ٹیمیں اس میں شرکت کریں گی۔
گزشتہ دنوں دو نئی فرنچائز کی نیلامی میں کامیاب بولی دہندگان نے اپنی ٹیموں کے ابتدائی نام حیدرآباد اور سیالکوٹ منتخب کیے تھے اور جلد اس کا مکمل نام بتانے کا اعلان کیا تھا۔
اب پی ایس ایل کی آٹھویں اور سب سے مہنگی ٹیم سیالکوٹ کے مکمل نام سے پردہ ہٹ گیا ہے اور فرنچائز کے مالک حمزہ مجید نے شریک مالک کامل خان اور دیگر اسٹیک ہولڈرز کے ساتھ ٹیم کے مکمل نام کا اعلان کیا اور اس کو اپنے آفیشل ایکس اکاؤنٹ پر بھی شیئر کیا ہے۔
حمزہ مجید کے مطابق سیالکوٹ کی ٹیم پی ایس ایل 11 میں ’’سیالکوٹ اسٹالینز‘‘ کے تاریخی اور مقبول نام کے ساتھ میدان میں اترے گی۔
ان کا کہنا تھا کہ ’اسٹالینز‘ صرف ایک نام نہیں بلکہ سیالکوٹ کی کرکٹ کی پہچان اور ایک عظیم تاریخ کا عنوان ہے۔
Alhamdullilah @PSLStallionz https://t.co/vRG9IbT7FJ
— Hamza Majeed (@MajeedHamz84164) January 21, 2026
حمزہ مجید نے واضح کیا کہ او زی گروپ ٹیم کے لوگو، کٹ اور کھلاڑیوں کے انتخاب کے حوالے سے جلد ہی بڑے سرپرائزز دے گا۔
واضح رہے کہ حمزہ مجید نے رواں ماہ کے آغاز میں اسلام آباد میں منعقدہ پر وقار تقریب میں پی ایس ایل کی آٹھویں ٹیم سیالکوٹ کو ریکارڈ 185 کروڑ کی کامیاب بولی دے کر خریدا تھا جب کہ حیدرآباد کی ٹیم 175 کروڑ میں نیلام ہوئی تھی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں