کراچی کنگز نے پی ایس ایل 11 کےلیے ری ٹین کھلاڑیوں کا اعلان کر دیا۔
کراچی کنگز نے ایمرجنگ کیٹیگری میں سعد بیگ کو ری ٹین کیا جب کہ گولڈ کیٹیگری میں خوشدل شاہ کو برقرار رکھا۔
کراچی کنگز نے ڈائمنڈ کیٹیگری میں عباس آفریدی کو ری ٹین کیا ہے اور پلاٹینم کیٹیگری میں کراچی کنگز نےحسن علی کو ری ٹین کیا۔
PSL میں پہلے سے موجود 6 فرنچائزز 3 فروری تک اپنی ریٹینشن طے کرسکتی ہیں۔
فرنچائزز 4 مختلف کیٹیگریز میں ایک، ایک پلیئر کو اپنے اسکواڈ میں برقرار رکھ پائیں گی جبکہ 6 فرنچائزز میں برقرار نہ رہنے والے پلیئرز کو 2 نئی فرنچائز اپنے اسکواڈ میں شامل کرسکیں گی۔
نئی فرنچائزز بھی 4 مختلف کیٹیگری میں ایک، ایک پلیئر شامل کریں گی، انہیں 4، 4 کھلاڑیوں کی حتمی فہرست 6 فروری تک طے کرنے تک کی مہلت دی گئی ہے جبکہ پلیئرز آکشن 11 فروری کو ہوگا۔
دوسری جانب پاکستان سپر لیگ (پی ایس ایل) ٹیم ملتان سلطانز کے سابق مالک علی ترین ایک بار پھر پی ایس ایل فرنچائز ملتان سلطانز خرینے کے خواہاں ہیں۔
رپورٹس کے مطابق علی ترین نے ملتان سلطانز کے مالکانہ حقوق کیلئے بولی میں شمولیت کا فیصلہ کرلیا ہے ساتھ ہی دستاویز بھی جمع کرادی ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں