لاہور: پاکستان سپر لیگ کے 11ہویں ایڈیشن میں آغاز سے قبل ہی تاریخ رقم ہوگئی، آسٹریلوی اسٹار اسٹیو اسمتھ لیگ کے مہنگے ترین کھلاڑی بن کر سامنے آئے۔
رپورٹس کے مطابق سابق آسٹریلوی کپتان اسٹیو اسمتھ کو پی ایس ایل کی نئی فرنچائز سیالکوٹ اسٹالینز نے ڈائریکٹ سائننگ کے ذریعے اپنی ٹیم میں شامل کیا ہے۔
فرنچائز کی جانب سے اس معاہدے کا اعلان سوشل میڈیا پر کیا گیا، جس کے ساتھ ہی اس بات کی تصدیق بھی ہو گئی کہ اسٹیو اسمتھ پہلی مرتبہ پاکستان سپر لیگ میں اپنی صلاحیتوں کے جوہر دکھائیں گے۔
Steve Smith signs for the PSL ✍️
He will represent Sialkot Stallionz in the upcoming season pic.twitter.com/0ZpmI1mVxE
— Sport360° (@Sport360) February 3, 2026
سیالکوٹ اسٹالینز نے اسٹیو اسمتھ کو 14 کروڑ روپے میں سائن کرلیا، جس کے بعد وہ پی ایس ایل کی تاریخ کے سب سے مہنگے کھلاڑی بننے میں کامیاب ہوگئے۔
اس کے علاوہ پی ایس ایل 11 کے لیے ری ٹین کیے گئے کھلاڑیوں کے معاوضوں کا بھی اعلان کیا گیا ہے۔ پشاور زلمی نے بابر اعظم، لاہور قلندرز نے شاہین شاہ آفریدی اور اسلام آباد یونائیٹڈ نے شاداب خان کو 7، 7 کروڑ روپے میں برقرار رکھا ہے۔
پی ایس ایل 11، معروف افغان کرکٹر پشاور زلمی کا حصہ بن گئے
یاد رہے کہ اس سیزن میں پی ایس ایل کے پلیئرز سلیکشن سسٹم میں بڑی تبدیلی کی گئی ہے۔ روایتی ڈرافٹ سسٹم کے بجائے اب نیلامی ماڈل متعارف کرایا گیا ہے، جس کے تحت فرنچائزز ہر کیٹیگری سے صرف ایک کھلاڑی کو ری ٹین کر سکتی ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں