site
stats
کھیل

دبئی: پاکستان سپرلیگ سیزن ٹو کی ٹرافی کی رونمائی کردی گئی

دبئی: پاکستان سپرلیگ سیزن ٹو کی ٹرافی کی تقریب رونمائی دبئی میں کردی گئی، ، ایونٹ کا پہلا میچ پشاور زلمی اور اسلام آباد یونائیٹڈ کے 9 فروری کو کھیلا جائے گا۔

تفصیلات کے مطابق دبئی میں پاکستان سپرلیگ ٹو کی ٹرافی کی رونمائی ایک رنگارنگ تقریب میں کی گئی، ٹرافی کی تیاری میں پچاس ہزار کرسٹلز استعال کئے گئے ہیں اور اسے اسپرٹ ٹرافی کا نام دیا گیا ہے، تقریب کے دوران چاروں ٹیموں کے کپتانوں نے تقریب رونمائی میں شرکت کی۔

تقریب میں پی ایس ایل کے چئیرمین نجم سیٹھی، کراچی کنگز کے مالک اور اے آر وائی ڈیجیٹل نیٹ ورک کے بانی اور سی ای او سلمان اقبال، شعیب ملک اور دیگر ٹیموں کے کپتان وسیم اکرم اور دیگرآفیشلز بھی موجود تھے۔

تقریب رونمائی میں پاکستان سپر لیگ کے چیئرمین نجم سیٹھی نے کہا کہ پی ایس ایل ٹو کے لئے منفرد ٹرافی تیار کی گئی ہے، پاکستان سپرلیگ ٹو کا فائنل انشااللہ لاہور میں ہوگا، پی ایس ایل کی ٹرافی آرٹ کا ایک بہترین نمونہ ہے۔

نجم سیٹھی نے کہا کہ ایونٹ میں بہترین بیٹسمین، بولر اور وکٹ کیپر کو علیحدہ علیحدہ ٹرافی دی جائیں گی، بہترین بیٹسمین کی ٹرافی حنیف محمد کےنام سے دی جائیگی، بہترین بولرکی ٹرافی فضل محمد کے نام سے دی جائیگی، بہترین وکٹ کیپرکی ٹرافی امتیاز احمد کے نام سے دی جائیگی۔

انکا مزید کہنا تھا کہ امید ہے پی ایس ایل پہلے کی طرح دلچسپ ہوگا، پی ایس ایل کے ذریعے کرکٹ واپس پاکستان لیکر جارہے ہیں، پی ایس ایل میں نوجوان کھلاڑیوں کوکھیلنے کاموقع مل رہا ہے۔

اسلام آباد یونائیٹڈ کے کپتان مصباح الحق نے کہا کہ پی ایس ایل کا پہلا ایڈیشن جیتنے سے ہماری ٹیم پراعتماد ہے، اسلام آباد کی ٹیم کا کامبی نیشن بہت اچھا ہے، پاکستان کھلاڑی دبئی اورشارجہ میں زیادہ کھیلتے ہیں، یو اے ای میں زیادہ کھیلنے کا فائدہ پاکستانی کھلاڑیوں کو ہوگا۔

کراچی کنکز کے کپتان کمارسنگاکارا نے کہا کہ کراچی کنگز میں نوجوان کھلاڑی اورتجربہ کار کوچز ہیں، اپنی صلاحیت کے مطابق کھیلنے کی کوشش کریں گے۔

کوئٹہ گلیڈیئرز کے کپتان سرفراز احمد کا کہنا تھا کہ گزشتہ سال کی طرح اب بھی اچھا کھیلنے کی کوشش کریں گے۔

خیال رہے کہ پاکستان سپر لیگ کا آغاز نو فروری سے یو اےای کے صحراؤں میں ہوگا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top