پی ایس ایل 2018 : ملتان سلطان اور لاہور قلندر مد مقابلPSL2018
The news is by your side.

Advertisement

پی ایس ایل 2018 : ملتان سلطان اور لاہور قلندر مدِ مقابل

دبئی : پاکستان سپر لیگ تھری میں آج ملتان سلطانز اور لاہور قلندرز آمنے سامنے ہوں گے، میچ پاکستانی وقت کے مطابق رات 9 بجے شروع ہوگا۔

تفصیلات کے مطابق اکستان سپر لیگ کے تیسرے ایڈیشن میں دوسرا میچ پہلی بار شامل ہونے والی ٹیم ملتان سلطانز اور لاہور قلندرز کے درمیان دبئی اسٹیڈیم میں کھیلا جائے گا۔

میچ پاکستانی وقت کے مطابق رات 9 بجے شروع ہوگا۔

لاہور قلندر

لاہور قلندر کی قیادت برینڈن مک کلم کر رہے ہیں ، ان کے علاوہ ٹیم میں عمراکمل اورفخرزمان، نیوزی لینڈ کے اینٹن ڈیوسچ ، بولر سہیل خان، یاسرشاہ ، شاہین آفریدی ، رضا حسن ،  سنیل نرائن ، بلاول بھٹی ، غلام مدثر ، بلال آصف ، عامر یامین ، کیمرون ڈلپورٹ شامل ہیں۔

ملتان سلطانز

پہلی بار پی ایس ایل میں شامل ہونے والی ٹیم ملتان سلطانز کے کپتان شعیب ملک ہیں جبکہ دیگر کھلاڑیوں میں احمد شہزاد، کیرون پولارڈ، کمار سنگاکارا، صہیب مقصود اور ڈیرن براوو، ورلڈ کلاس سپنر عمران طاہر ، پاکستانی فاسٹ بولرز محمد عباس، عمرگل، محمد عرفان، جنید خان اور سہیل تنویر شامل ہیں۔

خیال رہے کہ ملتان سلطان کا دوسرا میچ ہے، پہلے میچ میں ملتان سلطان نے دفاعی چیمپئن پشاور زلمی کو سات وکٹوں سے شکست دی تھی۔


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں