The news is by your side.

Advertisement

پی ایس ایل 6؛ کھلاڑیوں کیلیے سخت کورونا پروٹوکولز

پاکستان سپر لیگ (پی ایس ایل) 6 کے لیے سخت کوویڈ 19 پروٹوکولز بنانے کا پلان تیار کر لیا گیا۔

پی ایس ایل کے میچز کے دوران ایس او پیز کی خلاف ورزی کسی طور برداشت نہ کرنے کا فیصلہ ‏ کیا گیا ہے، پی ایس ایل کے لیے بائیو سیکور ببل 15 فروری سے شروع ہو جائے گا۔

ذرائع کے مطابق غیر ملکی کھلاڑی ایک منفی ٹیسٹ کے ساتھ پاکستان پہنچیں گے ‏اور کراچی میں کھلاڑیوں کی مزید دو مرتبہ ٹیسٹنگ ہوں گی۔

ٹیسٹنگ میں منفی نتائَج آنے کے بعد ٹریننگ کی اجازت دی جائے گی ‏اور ٹیسٹ مثبت آنے والے کھلاڑی کو پانچ روزہ آئسولیشن میں رہنا پڑے گا۔

آئسولیشن کے دوران بھی دو بار ٹیسٹنگ کے مرحلے سے گزرنا پڑے گا۔

پی ایس ایل کا چھٹا ایڈیشن 20 فروری سے کراچی میں شروع ہو گا۔ ایونٹ دو مرحلوں کراچی اور لاہور میں کھیلا جائے گا۔

Comments

یہ بھی پڑھیں