پی ایس ایل 8 کے 18ویں میچ میں لاہور قلندرز نے کوئٹہ گلیڈی ایٹرز کو 17 رنز سے شکست دی، سکندر رضا کو 34 گیندوں پر 71 رنز کی اننگز کھیلنے پر میچ کا بہترین کھلاری قرار دیا گیا۔
لاہور میں کھیلے گئے میچ میں قلندرز کی ٹیم پہلے بیٹنگ کرتے ہوئے 148 رنز پر آؤٹ ہوئی ہدف کے تعاقب میں سرفراز احمد الیون 7 وکٹوں کے نقصان پر 131 رنز بناسکی۔
ول اسمتھ کے 32 اور کپتان سرفراز احمد کے 27 رنز کے علاوہ کوئی کھلاڑی خاطر خواہ کارکردگی نہ دکھا سکا۔
One of the most remarkable comebacks you will witness 👏
From being down and out in the first 10 overs of the game, Lahore pull off an astounding win 💪#HBLPSL8 | #SabSitarayHumaray | #LQvQG pic.twitter.com/lsBf05YZk6
— PakistanSuperLeague (@thePSLt20) March 2, 2023
ایک موقع پر لاہور قلندرز کے 50 رنز پر 7 کھلاڑی آؤٹ ہوچکے تھے۔ اس کے بعد سکندر رضا نے 3 چکھوں اور 8 چوکوں کی مدد سے 71 رنز کی ناقابل شکست اننگز کھیل کر ٹیم کا اسکور 148 تک پہنچا دیا۔
تاہم میچ کے بعد گفتگو کرتے ہوئے کوئٹہ گلیڈی ایٹرز کے کپتان سرفراز احمد نے کہا کہ کسی بھی ٹیم کو اٹھنے کا موقع دیں گے تو ایسا ہی ہوگا ہم نے آج پھر بہت غلطیاں کیں۔
سرفراز احمد نے کہا کہ 50 پر 7 کھلاڑی آؤٹ کیے ہمیں قلندرز کو 100 رنز پر آل آؤٹ کرنا چاہیے تھا۔
انہوں نے کہا کہ مڈل اوورز میں 10 رنز بناسکے ہم آخری 5 اوورز میں 50 رنز بناسکتے تھے لیکن وکٹیں گریں اور میچ ہاتھ سے نکل گیا۔
