The news is by your side.

Advertisement

پاکستان سپر لیگ ، وہاب ریاض اور ان کی اہلیہ کے درمیان جنگ چھڑ گئی

دبئی : پاکستان سپر لیگ میں جہاں سنسنی خیز مقابلے جاری ہیں، شائقین کا جوش تو عروج پر ہے ہی وہیں کرکٹرز کی فیملی بھی اپنی اپنی پسندیدہ ٹیموں کو سپورٹ کر رہی ہیں۔

پاکستان سپر لیگ کے دم دار مقابلے گراونڈ میں جاری ہیں تو سوشل میڈیا پر کرکٹرز کی فیملیز میں نوک جھوک ہورہی ہے، سماجی رابطے کی ویب سائٹ ٹوئیٹر پر وہاب ریاض اور ان کی اہلیہ کے درمیان لفظی جنگ چھڑگئی۔

wahab

پشاور ظلمی کے وہاب ریاض جہاں اپنی ٹیم کا مورال بڑھا رہے ہیں وہیں ان کی اہلیہ کا دل لاہور قلندر زکے لئے دھڑک رہا ہے۔

گزشتہ رات لاہور قلندرز کی فتح پر زینب وہاب نے ٹوئٹ کیا، لاہور کو جیت مبارک ہو، اب کوئی بھی فائنل میں جاسکتا ہے۔

جس پر پشاور زلمی کے وہاب ریاض نے فوری ٹوئٹ کیا بیگم سب ٹیموں کو چھوڑیں، صرف پشاور زلمی کی فکر کریں، آپ کو کسی بھی حال میں پشاور کو ہی سپورٹ کرنا ہوگا ورنہ لاہور صرف تین گھنٹے دور ہے۔

اس پر زینب وہاب نے ٹوئٹ کیا وہ پشاور کو ہی سپورٹ کر رہی ہیں۔ آپ آخری دو میچز میں فتح یقینی بنائیں ورنہ آپ کو مجھ سے پہلے ہی لاہور جانا پڑے گا۔

Print Friendly, PDF & Email

Comments

comments

یہ بھی پڑھیں