نیویارک: پاکستان سپر لیگ (پی ایس ایل) کی شہرت امریکا تک پہنچ گئی جس کی ویڈیو سوشل میڈیا پر وائرل ہوگئی۔
تفصیلات کے مطابق معروف امریکی مزاحیہ پروگرام ’فیملی گائے‘ میں کراچی کنگز کے چرچے ہونے لگے، پروگرام کے کردار کراچی کنگز اور لاہور قلندرز کے مداح کے طور پر دکھائی دئیے۔
ویڈیو میں دیکھا جاسکتا ہے کہ پروگرام کے دونوں کردار کراچی کنگز اور لاہور قلندرز کی جرسی پہنے ہوئے ہیں اور روایتی انداز میں اپنی ٹیموں کو سپورٹ کررہے ہیں۔
پی ایس ایل کی امریکا میں مقبولیت کو دیکھتے ہوئے پاکستانی مداح بھی خوشی سے سرشار ہوگئے۔
سماجی رابطے کی ویب سائٹ ٹویٹر پر ڈینس نے لکھا کہ ’انہوں نے پی ایس ایل کا انتخاب کیا اور بھارتی لیگ آئی پی ایل کو منتخب نہیں کیا۔‘
They chose the PSL. They didn't choose the IPL. pic.twitter.com/Pzl3UIep9W
— Dennis (@DennisCricket_) September 28, 2020
واضح رہے کہ پی ایس ایل میں کراچی کنگز اور لاہور قلندرز کا میچ دیکھنے کے لیے شائقین کرکٹ بے تاب رہتے ہیں اور میچ کے ٹکٹ چند گھنٹوں میں ہی فروخت ہوجاتے ہیں۔
کراچی اور لاہور کے شہریوں کی جانب سے اپنی اپنی ٹیموں کو بھرپور سپورٹ کیا جاتا ہے۔
