The news is by your side.

Advertisement

لاہور قلندرز کی کامیابی نے پوائنٹس ٹیبل پر ہلچل مچادی

لاہور: پی ایس ایل سیزن فائیو میں سنسنی خیز مقابلوں کا سلسلہ جاری ہے، گزشتہ روز لاہور قلندرز کی کامیابی نے پوائنٹس ٹیبل پر ہلچل مچادی ہے۔

تفصیلات کے مطابق پی ایس ایل فائیو کے 23ویں میچ میں گزشتہ روز لاہور قلندرز نے کراچی کنگز کو 8 وکٹوں سے شکست دی، لاہور کی کامیابی کے بعد ٹاپ فور میں جگہ بنانے کے لیے پانچ ٹیموں کے تمام میچز اب ڈو اور ڈائی کی صورت اختیار کرچکے ہیں۔

ملتان سلطانز گیارہ پوائنٹس کے ساتھ پلے آف میں انٹری دینے والی پہلی ٹیم بن گئی ہے، باقی تین پوزیشن کے لیے پانچ ٹیموں میں مقابلہ ہے۔

پوائنٹس ٹیبل پر پشاور زلمی کی ٹیم نو پوائنٹس کے ساتھ دوسرے نمبر پر موجود ہے، اسلام آباد یونائیٹڈ اور کراچی کنگز سات، سات پوائنٹس کے ساتھ تیسرے اور چوتھے نمبر پر براجمان ہیں۔

لاہور قلندرز کی ٹیم دو میچز لگاتار جیتنے کے بعد کوئٹہ گلیڈی ایٹرز کو پیچھے دھکیلتے ہوئے پانچویں پوزیشن پر آگئی ہے۔

پی ایس ایل سیزن فور کی چیمپئن کوئٹہ گلیڈی ایٹرز کی مشکلات میں اضافہ ہوگیا ہے، گلیڈی ایٹرز کی ٹیم 6 پوائنٹس کے ساتھ آخری نمبر پر موجود ہے۔

واضح رہے کہ کل لاہور قلندرز اور پشاور زلمی کے درمیان میچ کھیلا جائے گا جبکہ 12 مارچ کو کراچی کے نیشنل اسٹیڈیم میں کراچی کنگز اور لاہور قلندرز کی ٹیمیں ایک بار پھر مدمقابل آئیں گی۔

fb-share-icon0
Tweet 20

Comments

comments

یہ بھی پڑھیں