site
stats
کھیل

فائنل میں‌ پہنچا تو لاہور ضرور جاؤں گا، روی بوپارا کا اعلان

شارجہ: پی ایس ایل کی ٹیم کراچی کنگز کے غیر ملکی کھلاڑی روی بھوپارا نے کہا ہے کہ اگر ٹیم فائنل تک رسائی حاصل کرتی ہے تو فائنل لاہور میں کھیلنے آؤں گا۔

سماجی رابطے کی ویب سائٹ پر ٹوئٹ کرتے ہوئے انہوں نے کہا کہ آج پشاور زلمی کے مدمقابل کراچی کنگز کا اہم میچ ہے اگر آج کا میچ کراچی کنگز جیت جاتی ہے تو وہ فائنل کھلینے کے لیے لاہور ضرور جائیں گے۔

اے آر وائی نیوز کے نمائندے شاہد ہاشمی نے بتایا کہ یہ خوش آئند بات ہے، کراچی کنگز سب سے زیادہ متاثر ہونے والی ٹیم سمجھی جارہی تھی کہ ان کے کافی پلیرز غیر ملکی ہیں جن کے بارے میں خدشات ہیں کہ وہ لاہور نہیں جائیں گےلیکن روی بوپارا نے پہل کردی ہے کہ وہ لاہور ضرور جائیں گے ۔

روی بوپارا کا تعلق انگلینڈ سے ہے لیکن وہ بھارتی پنجاب سے تعلق رکھتے ہیں ان کا گھرانہ بھارتی نژاد ہے، پنجاب سے تعلق رکھنے والا اگر لاہور جائے گا تو یہ مزہ دوبالا ہوجائے گا۔


ایک سوال پر انہوں نے کہا کہ آج رات یا کل صبح تک پوزیشن واضح ہوجائے گی کہ کتنے غیر ملکی کھلاڑی لاہور جانے کے لیے تیار ہیں، کیوں کہ پشاور زلمے کے چیئرمین جاوید آفریدی نے بھی ٹوئٹ کیا تھا کہ انہوں نے اپنے پانچوں کھلاڑیوں کے ویزے لگالیے ہیں جو لاہور جانے کے لیے تیار ہیں اس لیے جو بھی ٹیم آج فاتح ہوگی اس کے تمام کھلاڑیوں کے لاہور جانے کا فیصلہ آج رات ہی یا کل صبح تک ہوجائےگا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top