site
stats
کھیل

پاکستان سپرلیگ کے “لوگو” کی رنگا رنگ تقریب رونمائی

لاہور : پاکستان سپرلیگ کے لوگوکے رونمائی کردی گئی۔ سربراہ پی ایس ایل نجم سیٹھی کاکہنا ہے کہ مستقبل میں اس ایونٹ کو پاکستان لائیں گے۔

برا نڈ ایمبیسڈر رامیزراجہ نے کہا کہ ٹیمیں خریدنے پرفرنچائز مالکان کو مبارک باد دیتا ہوں۔ تفصیلات کے مطابق پاکستان کیلئے کرکٹ کا میلہ لگانے کی تیاریاں تیز ہوگئیں۔

ٹیموں کے بعد پاکستان سپرلیگ کے لوگوکی تقریب نقاب کشائی بھی بڑی دھوم دھام سے لاہورمیں سجائی گئی۔ تقریب میں کراچی ٹیم کےمالک اوراےآروائی کےسی ای اواورصدرسلمان اقبال سمیت پانچوں ٹیموں کے مالکان اور کرکٹ بورڈ کے آفیشلز کی شرکت نے تقریب کوچارچاند لگادئیے۔

سربراہ نجم سیٹھی نے پی ایس ایل کے انعقادکیلئے میڈیاکے کردار کوسراہااور مستقبل میں سپرلیگ پاکستان میں ہی کرانے کی خوشخبری بھی سنادی ۔نجم سیٹھی نے اپنے خطاب میں کہا کہ پی ایس ایل کی اہمیت کا عوام کو اندازہ ہو گا، اس ایونٹ کے انعقاد پر پی سی بی کے شکرگزار ہیں اور پاکستان کرکٹ کو نئے دور میں خوش آمدید کہتے ہیں۔

ان کا کہنا تھا کہ پی ایس ایل کے انعقاد کیلئے دن رات محنت کی ہے اور ٹیم ورک کے بغیر اس کا انعقاد ممکن نہیں تھا۔ انہوں نے اس موقع پر میڈیا کا بھی شکریہ ادا کیا اور کہا کہ میڈیا نے پی ایس ایل کے انعقاد کو یقینی بنانے کیلئے اہم کردار ادا کیا ہے۔ نجم سیٹھی نے کہا کہ پی ایس ایل کا آغاز دھوم دھام سے ہو گا اور اس کا اگلا ایڈیشن پاکستان میں کرانے کی کوشش کریں گے۔

پاکستان سپرلیگ کے برینڈامبیسیڈر رمیزراجہ کا کہناتھاکہ پی ایس ایل ایشیاکا نہیں دنیا کابڑاٹورنامنٹ بنےگا۔ پاکستان سپرلیگ کے اسپانسر ایچ بی ایل کے سی ایم اونوید اصغرنے کہا کہ پی ایس ایل کو کامیاب بنانے کی ہرممکن کوشش کریں گے۔

واضح رہے کہ پاکستان سپرلیگ کا میلہ آئندہ سال چار فروری سے دبئی اورشارجہ کے میدانوں میں سجے گا، پی ایس ایل میں پلیئرزکی ڈرافٹنگ اکیس اوربائیس دسمبرکوہوگی۔ لیگ میں ایک سوچھتیس پاکستانی اورایک سو اکہترغیرملکی اسٹارز صلاحیتوں کے جوہر دکھائیں گے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top