کراچی (15 اپریل 2026): پی ایس ایل ریسٹ ڈے پر کوئی پہنچا سمندر کنارے کسی نے کی کشتی کی سیر کسی نے شوٹنگ سے دل بہلایا تو کوئی رنگوں سے کھیلا۔
پاکستان سپر لیگ 11 ایک روز کے وقفے کے بعد آج دوبارہ شروع ہو رہا ہے۔ ٹورنامنٹ میں ایک روز کے آرام کے دن پر کھلاڑیوں نے ہوٹلوں میں رہنے یا کرکٹ پریکٹس کرنے کے بجائے اس کو فن ڈے بنا ڈالا، ہوٹلوں سے نکلے اور تفریحی مقامات سمیت پسندیدہ جگہوں پر جا پہنچے۔
Colors, fun and creativity 🎨
Boys turned artists and painted each other’s canvas using Gobi’s Paints Spray. Who do you think made the best one? 😂 pic.twitter.com/VrLb9dxvsW
— Karachi Kings (@KarachiKingsARY) April 14, 2026
پی ایس ایل کے انٹرویل ڈے پر کراچی کے کھلاڑی بن گئے مصور اور گیند بلے کے بجائے رنگوں سے کھیل کر اپنے فن کا دلچسپ مظاہرہ کیا۔
Push-ups Challenge, Powered by Sheikhoo Steel 💪
A battle of strength between Khuzaima Bin Tanveer & Aqib Illyas. Guess who finished with more reps in the end ⤵️ pic.twitter.com/diG3xl8pek
— Karachi Kings (@KarachiKingsARY) April 14, 2026
اس کے علاوہ کھلاڑیوں نے پش اپ چیلنج بھی کیا، ان تمام سرگرمیوں کی ویڈیوز بھی شیئر کی گئیں۔
گرم موسم میں کوئٹہ گلیڈیئٹرز کے کھلاڑی اور آفیشلز نے سمندر کی لہروں سے کھیلنے پہنچ گئے۔
REST DAY, RESET DAY 🌊🏖#HBLPSL11 | #NewEra pic.twitter.com/mBRCaLQmFC
— PakistanSuperLeague (@thePSLt20) April 14, 2026
ساحل سمندر پہنچ کر کھلاڑیوں نے خوب موج مستی کی۔ کسی نے ساحل سے سمندر کی تیز موجوں کا نظارہ کیا تو کوئی صحیح لطف لینے کے لیے کشتی کی سیر پر نکلا۔
— PakistanSuperLeague (@thePSLt20) April 14, 2026
کئی ساحل پر گاڑیوں کی سواری، میوزک سے لطف اندوز ہوئے اور جب کچھ تھکن ہوئی تو لذیذ اور مزیدار کھانے کے ساتھ ناریل کا پانی پی کر تھکن دور کی۔
اس موقع پر کھلاڑیوں نے گروپ فوٹوز بھی بنوائیں جبکہ سیر وتفریح کے ہر ہر لمحے کو محفوظ بنانے کے لیے سیلفیز کا سلسلہ بھی جاری رہا۔
حیدرآباد کنگزمین کے کھلاڑیوں نے تفریحی مقام کے بجائے ایس ایس یو ہیڈ کوارٹر کا دورہ کیا۔
کھلاڑیوں نے وہاں سہولتیں دیکھنے کے ساتھ شوٹنگ رینج کا بھی دورہ کیا اور پھر اپنے نشانے کو آزمانے کے لیے شوٹنگ سے بھی دل بہلایا۔ کپتان لبوشین نے بلٹ پروف جیکٹ پہن کر تصویر بنوائی۔
اس موقع پر حیدرآباد کنگزمین کے جانب سے ڈی آئی جی ایس ایس یو مقصود احمد کو بیٹ پیش کیا گیا۔ ڈی آئی جی ایس ایس یو کو دیے جانے والے بیٹ پر تمام کھلاڑیوں نے دستخط کیے۔
اب تک ٹورنامنٹ میں ایک بھی فتح کا مزا نہ چکھنے والی ٹیم راولپنڈیز کے کھلاڑیوں نے پیڈل کھیل کر دل بہلایا اور خود کو اگلے مرحلے کے لیے ری سیٹ کیا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں