لاہور (5 اپریل 2026): پی ایس ایل میچ میں اسلام آباد یونائیٹڈ کے بیٹر سمیر منہاس نے فتح گر اننگ کھیل کر تو ان کے والد نے کیمرے سے اپنا فرض نبھایا۔
لاہور کے قذافی اسٹیڈیم میں گزشتہ روز اسلام آباد یونائیٹڈ نے پنڈیز کو ہرا دیا۔ اس میچ کے ہیرو فاتح ٹیم کے بیٹر سمیر منہاس تھے، جنہوں نے 36 گیندوں پر 194 کے اسٹرائیک ریٹ کے ساتھ 70 رنز کی برق رفتار اننگ کھیلی اور میچ کے بہترین کھلاڑی قرار پائے۔
جہاں سمیر منہاس نے اپنی ٹیم کے لیے بلے سے فرض ادا کیا، وہیں ان کے والد کاشف منہاس گراؤنڈ میں بیٹے کی یادگار اننگ اور بعد میں اختتامی تقریب کی تصاویر بنا کر اپنا فرض نبھاتے رہے۔
Sameer Minhas’ father, a professional sports photographer, captured some of the most special images of his career as his son secured his maiden HBL PSL Player of the Match award and also received appreciation and guidance from PCB Chairman Mohsin Naqvi.#HBLPSL11 #NewEra #RPvIU pic.twitter.com/YNrV9lcJvm
— PakistanSuperLeague (@thePSLt20) April 4, 2026
پی ایس ایل اور اسلام آباد یونائیٹڈ کی جانب سے یہ ویڈیوز آفیشل سوشل میڈیا اکاؤنٹ پر شیئر بھی کی گئی ہے۔
Proud moment for Sameer’s father. ❤️ Thank you Sir for raising this Superstar.#UnitedWeWin #RangJeetKaLaalHa pic.twitter.com/ArcBiBLIPz
— Islamabad United (@IsbUnited) April 5, 2026
سمیر منہاس کے والد کاشف منہاس نے کہا کہ ان کا بیٹا تسلسل کے ساتھ پی ایس ایل میں اچھی پرفارمنس دے رہا ہے، یہ میرے لیے فخر کا لمحہ ہے۔ اس کی بیٹنگ دیکھ کر مزا آ رہا ہے۔ اس موقع پر انہوں نے سمیر کو گلے لگا کر مبارکباد بھی دی۔
Man of the Match Sameer Minhas shares his thoughts after a standout performance!
Powered by @hicoicecream#SameerMinhas #MOTM #IUvPindiz pic.twitter.com/7vHp7TQLQs
— Islamabad United (@IsbUnited) April 4, 2026
واضح رہے کہ سمیر منہاس کے دوسرے بھائی عرفات منہاس بھی پی ایس ایل میں ملتان سلطانز کی نمائندگی کر رہے ہیں، نوجوان کرکٹرز کے والد بھی کرکٹ کھیلتے رہے ہیں۔
اب دونوں بھائی مخالف ٹیموں پر تباہی بن کر چھا گئے ہیں اور اپنی اپنی ٹیموں کے لیے میچ وننگ پرفارمنسز دے رہے ہیں۔
سمیر اور عرفات کی اپنے والد کاشف منہاس کے ساتھ نو سال قبل قذافی اسٹیڈیم میں پی ایس ایل کا میچ دیکھنے کی تصویر بھی سوشل میڈیا پر تیزی سے وائرل ہو رہی ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں