The news is by your side.

Advertisement

پی ایس ایل فائیو کی تیاریاں شروع کردی گئیں، 20 فروری سے آغاز ہوگا

کراچی: شائقین کرکٹ کے لیے اچھی خبر ہے کہ پی سی بی نے پاکستان سپر لیگ سیزن فائیو کی تیاریاں شروع کردی، ٹورنامنٹ کا آغاز 20 فروری سے ہوگا۔

تفصیلات کے مطابق پاکستان کے کرکٹ لوورز تیار ہوجائیں کیونکہ پی سی بی نے پاکستان سپر لیگ سیزن فائیو کے لیے تیاریاں شروع کردی ہیں، ڈرافٹنگ نومبر میں ہوگی، ٹورنامنٹ کے تمام میچز پاکستان میں کھیلے جائیں گے۔

پی ایس ایل کے روایتی حریف کراچی کنگز اور لاہور قلندر کے درمیان سیزن فائیو کے افتتاحی میچ اور وینیوز پر غور کیا جارہا ہے۔

پی ایس ایل فائیو کے کھلاڑیوں کی ڈرافٹنگ نومبر میں ہوگی

ذرائع کا کہنا ہے کہ پی ایس سیزن فائیو کے فائنل کی میزبانی لاہور کرے گا، کراچی، لاہور، ملتان، راولپنڈی سمیت پشاور آزاد کشمیر میں بھی پی ایس ایل میچز کی میزبانی کریں گے۔

ذرائع کا یہ بھی کہنا تھا کہ ایم ڈی پی سی بی وسیم خان کوشاں ہیں کہ پی ایس ایل کے کچھ میچز کوئٹہ میں بھی کرائے جائیں جس کے لیے ان کی کوششیں جاری ہیں۔

یاد رہے کہ پی ایس ایل سیزن فور میں کوئٹہ گلیڈی ایٹرز نے پہلی بار ٹائٹل اپنے نام کیا تھا اس سے قبل دو فائنل اسلام آباد یونائیٹڈ اور ایک پشاور زلمی کے نام رہے تھے۔

سیزن فور کے فائنل میچ میں کوئٹہ گلیڈی ایٹرز نے اسلام آباد یونائیٹڈ کو آٹھ وکٹوں سے شکست دی تھی، پشاور زلمی نے 139 رنز کا ہدف دیا تھا جو کوئٹہ نے 2 وکٹوں کے نقصان پر 18ویں اوور میں حاصل کرلیا تھا۔

Comments

یہ بھی پڑھیں