لاہور : سابق ٹیسٹ کرکٹر شعیب اختر نے راولپنڈی ریجن اور پاکستان سپر لیگ کی ٹیم خریدنے کی خواہش کا اظہار کر دیا، انھوں نے کہا کہ پی ایس ایل پاکستان کا سب سے بڑا ایونٹ ہوگا۔ بہت جلد یہ پاکستان میں بھی ہوگا۔
لاہور میں میڈیا سے گفتگو کرتے ہوئے شعیب اختر کا کہنا تھا کہ سپرلیگ پاکستان کا برانڈ ہے ، سب مل کر کامیاب بنائیں گے، پاکستان کرکٹ بورڈ عامر، سلمان اور آصف کے ساتھ یکساں سلوک کرے، تینوں کو پی ایس ایل میں کھلانے میں کوئی حرج نہیں ہے، محمد عامر کو اپنی ٹیم میں کھلانا چاہتاہوں۔
انہوں نے کہا کہ افسوس ہے کہ پاکستانی بلے باز روتے ہوئے ریٹائرمنٹ لیتے ہیں، 4 سال کی کرکٹ باقی تھی پھر بھی میں نے ریٹائرمنٹ لے لی۔
انہوں نے کہا کہ پورا پاکستان بہت پُرجوش ہے، پی ایس ایل بہت بڑا ایونٹ ہوگا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں