شعیب ملک نے کراچی کنگز کی قیادت روی بوپارا کو سونپ دی -
The news is by your side.

Advertisement

شعیب ملک نے کراچی کنگز کی قیادت روی بوپارا کو سونپ دی

دبئی : شعیب ملک کراچی کنگز کی قیادت سے دستبردار ہوگئے۔ روی بوپارا اگلے میچز میں کراچی کنگزکی قیادت کریں گے۔

تفصیلات کے مطابق پاکستانی بلے باز شعیب ملک نے پی ایس ایل کی ٹیم کراچی کنگز کی کپتانی چھوڑنے کا فیصلہ کرلیا.

اے آر وائی سے خصوصی بات چیت کرتے ہوئے ان کا کہنا تھا کہ میں نے اپنی مرضی سے کپتانی چھوڑی ہے۔ دباؤ کے بغیر کھیلنا چاہتا ہوں.

انہوں نے بتایا کہ ٹیم کی کپتانی روی بوپارہ کو سونپ دی ہے، اسلام آباد یونائیٹڈ کیخلاف کراچی کنگز کی قیادت روی بوپارہ کرینگے.

انہوں نے کہا کہ روی بوپارہ بہترین پلیئرہیں فتح دلاسکتےہیں،اپنے لئے نہیں ٹیم کے لئے کھیلتا ہوں،شعیب ملک نے کہا کہ میرے لیے انفرادی پرفارمنس سے زیادہ ٹیم کی جیت اہمیت رکھتی ہے.

کراچی کنگزکوفتح دلانےکی بھرپورکوشش کروں گا،شعیب ملک کا کہنا تھا کہ کراچی کنگزکی فتح کےلئےپرامیدہوں، پی ایس ایل کا پہلاسال تھااس لئےکچھ غلطیاں ہوئی ہیں،

کراچی کنگز کو فتح دلانے کی بھر پور کوشش کی جس کے نتیجے میں کراچی کنگز نے کئی کانٹے دار میچز کھیلے ،گیم میں ہار جیت ہوتی رہتی ہے۔ انہوں نے کہا کہ پلےآف میں پہنچنےکافائدہ اٹھاناچاہتےہیں.

Comments

comments

یہ بھی پڑھیں