site
stats
پاکستان

پی ایس ایل میں‌ اسپاٹ فکسنگ کی گونج، شائقین برہم

کراچی: پاکستان سپر لیگ کے ایڈیشن ٹو میں اسپاٹ فکسنگ کا معاملہ سامنے آنے سے عوام مایوسی کا شکار ہونے لگے، سوشل میڈیا پربھی اسپاٹ فکسنگ کا چرچا ہونے لگا۔

اطلاعات کے مطابق پی ایس ایل کی چمک دھمک کرپشن کی گونج سے ماند پڑنے لگی، شائقین افسردہ ہوگئے اور فاتح ٹیموں کی فتح بھی مشکوک دکھائی دینے لگی۔


ایونٹ شروع ہونے سے قبل میڈیا ہو یا سوشل ویب سائٹس ، ہر طرف پی ایس ایل کا چرچا تھا تاہم اب اس چرچے کا رخ بدل کر اسپاٹ فکسنگ کی گونج میں تبدیل ہوگیا ہے۔

کرکٹ کے دیوانے کہتے ہیں کہ ہمیں مایوس کردیا گیا، ہماری خوشی چھین لی گئی، اگر کرکٹرز ملوث ہیں تو انہیں ایسی سزا دی جائے تاکہ دیگر کرکٹرز عبرت حاصل کریں اور آئندہ کوئی بھی کرکٹر شائقین کے دلوں سے کھیلنے کی کوشش نہ کرے۔

ایک شائق کا کہنا تھا کہ جب کہ ہم پس پردہ بیٹھے بکیز اور سٹے بازوں کا قلع قمع نہیں کریں گے اس وقت تک یہ سب کچھ چلتا رہے گا، یہ سٹے باز ہمیشہ پاکستان کی بدنامی کا باعث بنتے رہےہیں۔

ایک اور شائق کا کہنا تھا کہ کرکٹرز ہمارے پاکستان کے سفیر ہوتے ہیں، اگر یہی لوگ ایسا کریں گے اور ہمارے جذبات مجروح کریں گے تو
تو ملک کا امیج منفی ہوجائے گا، ان کو سخت سزا دی جائے۔

دیگر شائقین نے بھی اے آر وائی سے بات کرتے ہوئے ملوث کرکٹرز کو سخت سزا دینے کا مطالبہ کیا، کچھ نہ کہا کہ کاش یہ خبریں جھوٹی ہوں۔

ٹوئٹر پر بھی کرکٹ لورز نے بے شمار کمنٹ کیے جن کی اکثریت نے ملوث کرکٹرز کو تحقیقات کے بعد سزا دینے کا مطالبہ کیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top