site
stats
کھیل

پی ایس ایل 2017: آج کراچی کنگز اور کوئٹہ گلیڈی ایٹرز مدمقابل

دبئی: پاکستان سپر لیگ 2017 میں آج 2 میچز کھیلے جائیں گے۔ کراچی کنگز کی ٹیم کوئٹہ گلیڈی ایٹرز کے مد مقابل آئے گی۔ اسلام آباد یونائیٹڈ کا مقابلہ لاہور قلندرز سے ہوگا۔

پی ایس ایل میں سنسنی خیز میچز جاری ہیں۔ آج دبئی کے انٹرنیشل کرکٹ اسٹیڈیم میں رات 9 بجے کراچی کنگز کے شیر کوئٹہ گلیڈی ایٹرز پر جھپٹیں گے۔

دونوں ٹیموں کا لیگ میں یہ دوسرا میچ ہے۔ کوئٹہ گلیڈی ایٹرز نے اپنے پہلے میچ میں لاہور قلندرز کو زیر کیا تھا۔ پشاور زلمی نے کراچی کنگز کے خلاف کامیابی حاصل کی تھی۔

کراچی کنگز کا بیٹنگ اور بولنگ اٹیک کوئٹہ سے زیادہ مضبوط مانا جارہا ہے۔ کراچی کے پاس مار دھاڑ کے ماہر بیٹسمین موجود ہیں۔ بولنگ میں محمد عامر اور سہیل خان وکٹیں اڑانا جانتے ہیں۔

دوسرے میچ میں دفاعی چیمپئن اسلام آباد یونائیٹڈ کا ٹاکرا لاہور قلندرز سے ہوگا۔ دو اہم کھلاڑیوں کی معطلی کے بعد اسلام آباد بیٹنگ لائن کمزور ہوگی جس کا لاہور کی ٹیم فائدہ اٹھا سکتی ہے۔ اسلام آباد یونائیٹڈ اور لاہور قلندرز کا میچ شام ساڑھے 4 بجے شروع ہوگا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top