دبئی: پی سی ایل 4 کی ٹرافی کی تقریب رونمائی، چیئرمین پی سی بی کامیابی کے لیے پرامید
The news is by your side.

Advertisement

پی ایس ایل 4: ٹرافی کی دبئی میں تقریب رونمائی، احسان مانی کامیابی کے لیے پرامید

دبئی: چیئرمین پی سی بی احسان مانی نے کہا ہے کہ پی ایس ایل دنیا بھر میں ایک معروف برانڈ بن گیا ہے۔

ان خیالات کا اظہار انھوں نے پاکستان سپرلیگ سیزن فور کی ٹرافی کی تقریب رونمائی کے موقع پر کیا. اس موقع پر سیزن میں حصہ لینے والی تمام ٹیموں کے کپتان بھی موجود تھے.

احسان مانی کا کہنا تھا کہ پی ایس ایل کی کامیابی میں فرنچائز، اسپانسرز، کھلاڑی شامل ہیں، سیزن 4 کی ٹرافی پاکستانی ثقافت کے رنگوں کی ترجمانی کرتی ہے.

جو ٹیم محنت کرے گی وہ جیتے گی: کپتان کراچی کنگز عماد وسیم

اس موقع پر  پی سی ایل کی مقبول ترین ٹیم کراچی کنگز کے کپتان عماد وسیم نے کہا کہ ہم پرعزم ہیں، گذشتہ سیزن میں کچھ مشکلات ہوئی تھیں،  کراچی کنگز کے مالک مسٹر  سلمان اقبال نے کہا کہ اس مرتبہ انجرڈ نہیں ہونا.

کپتان کراچی کنگز عماد وسیم نے کہا کہ جو ٹیم محنت کرے گی وہ جیتے گی، سب ٹیمیں ایک جیسی ہیں، کوئی فیورٹ نہیں، پی ایس ایل نے  پاکستان کرکٹ ٹیم کوبہترین کھلاڑی دیے ہیں.

عماد وسیم کے کہا کہ سابق کپتان وسیم اکرم سے سیکھنے کا موقع ملے گا، ہم کوشش کریں گے، رزلٹ اللہ کے ہاتھ میں ہے، پاکستان سپرلیگ نے پاکستان کرکٹ کو بہت فائدہ دیا، اس لیگ کا پاکستان میں ہونا بہت اہم بات ہے.

دیگر فرنچائز کے کپتانوں‌ نے  بھی اپنا موقف دیا. پاکستان کی قومی ٹیم اور کوئٹہ گلیڈیٹرز کے کپتان سرفراز احمد نے کہا کہ پاکستان سپر لیگ کے آغاز سے پاکستان ٹیم کو بہت فائدہ ہوا، بدقسمتی سے تین سال قریب آ کر ٹائٹل سے محروم رہے.

پشاور زلمی کے کپتان ڈیرن سیمی نے کہا کہ پی ایس ایل فورکے لئے تیار ہیں، ہر ٹیم اچھی نظرآرہی ہے، لاہور قلندرز کے کپتان محمد حفیظ کے مطابق اچھی ٹیم کا انتخاب کیا ہے، جیت کے لیے محنت کریں گے.

دفاعی چیمپین اسلام آباد یونائیٹڈ کے کپتان محمد سمیع کا کہنا تھا کہ ٹیم کی قیادت بڑی ذمہ داری ہے، ٹیم بھی اچھی اور متوازن ہے.ملتان سطان کے کپتان شعیب ملک نے کہا کہ پچھلے سال اچھا کھیلا ، لیکن فنش نہیں کر سکے، امید ہے کہ کارکردگی میں تسلسل برقرار رہے.

Comments

comments

یہ بھی پڑھیں