لاہور: پاکستان سپرلیگ کے پانچویں ایڈیشن کے تمام میچز پاکستان میں منعقد کیے جائیں گے جس میں غیر ملکی کھلاڑی بھی شرکت کریں گے۔
ذرائع کے مطابق پی ایس ایل فائیو کے انعقاد کے حوالے سے چیئرمین پی سی بی، پی ایس ایل حکام اور فرنچائز مالکان کی ملاقات کل ہوگی، جس میں غیر ملکی کھلاڑیوں کی پاکستان آمدپر تحفظات پر غور کیا جائے گا۔
ذرائع کے مطابق پی ایس ایل جنرل کونسل اجلاس کی تاریخ کو حتمی شکل دی جائے گی۔
یاد رہے کہ سپر لیگ سیزن فائیو کی تیاریاں شروع کردی،کھلاڑیوں کی ڈرافٹنگ نومبر اور ٹورنامنٹ کا آغاز 20 فروری سے ہوگا۔ سی بی نے نے دو ٹوک فیصلہ کیا ہے کہ ٹورنامنٹ کے تمام میچز پاکستان میں کھیلے جائیں گے۔
پی ایس ایل کے روایتی حریف کراچی کنگز اور لاہور قلندر کے درمیان سیزن فائیو کے افتتاحی میچ اور مقام پر غور بھی شروع کردیا گیا۔
پی ایس سیزن فائیو کے فائنل کی میزبانی لاہور کرے گا، کراچی، لاہور، ملتان، راولپنڈی سمیت پشاور آزاد کشمیر میں بھی پی ایس ایل میچز کی میزبانی کریں گے البتہ یہ بات بھی سامنے آئی کہ ایم ڈی پی سی بی وسیم خان کوشاں ہیں کہ پی ایس ایل کے کچھ میچز کوئٹہ میں بھی کرائے جائیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں