The news is by your side.

Advertisement

پی ایس ایل 7 کا پہلا ایلی مینیٹر آج کھیلا جائے گا

لاہور: پاکستان سپر لیگ اپنے اختتامی مرحلے کی جانب گامزن ہے، سیزن سیون میں شائقین کرکٹ کو انتہائی دلچسپ اور کانٹے دار مقابلے دیکھنے کو مل رہے ہیں۔

تفصیلات کے مطابق پی ایس ایل 7 میں آج اسلام آباد یونائیٹڈ اور پشاور زلمی کے درمیان پہلا ایلیمنیٹر میچ کھیلا جائے گا، میچ شام ساڑھے 7 بجے قذافی اسٹیڈیم میں شروع ہوگا۔

آج کا میچ ہارنے والی ٹیم ٹورنامنٹ سے باہر ہوجائے گی جبکہ جیتنے والی ٹیم کا میچ لاہور قلندرز کیساتھ جمعہ کے روز ہوگا۔

انجری مسائل سےدوچار اسلام آباد یونائیٹڈ میں کپتان شاداب خان اورایلیکس ہیلز کی واپسی ہوگی جبکہ ول جیکس کی شمولیت بھی کمبی نیشن کو مضبوط بنائے گی۔

پشاور زلمی کو ان فارم زازئی اور شعیب ملک سے بڑی امیدیں ہیں۔

گذشتہ روز پی ایس ایل 7 کے کوالیفائر میچ میں ملتان سلطانز نے لاہور قلندرز کو 28 رنز سے شکست دے کر فائنل میں رسائی حاصل کی تھی، شاہنواز دہانی کو تین وکٹیں حاصل کرنے پر میچ کا بہترین کھلاڑی قرار دیا گیا۔

ملتان سلطانز نے مسلسل دوسری بار پی ایس ایل کا فائنل کھیلنے کا اعزاز حاصل کیا ہے۔

Comments

یہ بھی پڑھیں