پی ایس ایل فائنل کی تقریب کا باقاعدہ آغاز PSLFinal Ending Ceremony
The news is by your side.

Advertisement

پی ایس ایل فائنل کی پروقار تقریب، عوام کی بڑی تعداد شریک

لاہور: پاکستان سپرلیگ کے فائنل کی پروقار تقریب کا باقاعدہ آغاز کردیا گیا ہے، پاک فوج کے پیرگلائیڈرز نے قومی پرچم کے ساتھ فضاء سے زمین پر اترنے کا شاندار مظاہرہ کیا۔

تفصیلات کے مطابق پاکستان سپر لیگ فائنل کی پروقار تقریب کا آغاز ہوگیا، اسٹیڈیم میں عوام ہزاروں کی تعداد میں موجود ہیں اور پورے اسٹیڈیم میں قومی پرچموں کی بہار ہے۔

7

لمحہ بہ لمحہ اپ ڈیٹ

پڑھیں: ’’ پی ایس ایل فائنل:ہزاروں شائقین اسٹیڈیم پہنچ گئے ‘‘

اسٹیڈیم میں بیٹھے لوگوں نے پاک فوج کے جوانوں کا فضاء سے اترنے کے پرچوش منظر کے بعد فوج کے حق میں نعرے بلند کیے، اس موقع پر شہداء پاک فوج کے لیے ایک دوستاویزی فلم بھی چلائی گئی۔

4

فائنل سے قبل اختتامی تقریب میں مختلف فنکار اپنے فن کا مظاہرہ کریں گے جبکہ ہوسٹنگ کے فرائض عائشہ عمر اور احمد علی بٹ سرانجام دے رہے ہیں۔

8

شاہد آفریدی کے گراونڈ میں داخل ہونے پر پورا اسٹیڈیم لالا لالا کے نعروں سے گونجنے لگا اور شاہد آفریدی نے مداحوں کا زخمی ہاتھ ہلا کر شکریہ ادا کیا۔

5

علی ظفر، فاخر کی پرجوش پرفارمنس کے بعد علی عظمت نے شاندار پرفارمنس کا مظاہرہ کیا جس کے بعد اسٹیڈیم میں ایک سماں بند گیا۔

چیئرمین پی ایس ایل کی گفتگو 

نجم سیٹھی نے عوام سے خطاب کرتے ہوئے اُن کا شکریہ ادا کیا اور کہا کہ پاکستانیوں کو کرکٹ کھیلنی اور کھیلانی آتی ہے، ساری دنیا دیکھ رہی ہے کہ ہم اکھٹے ہیں اور غیر ملکی کھلاڑی بھی پاکستان میں کھیل رہے ہیں۔

انہوں نے کہا کہ فائنل کے لاہور میں انعقاد کی کامیابی کا سہرا عوام کے سر جاتا ہے اور آپ ہی اس بات کے مستحق ہیں ساتھ ہی انہوں نے پنجاب حکومت، پولیس اور وفاقی حکومت کا شکریہ بھی ادا کیا کہ اُن کے تعاون سے ایونٹ منعقد کرنا ممکن ہوا۔

چیئرمین پی ایس ایل نے کہا کہ ایونٹ کی دو بہترین ٹیمیں فائنل میں مدمقابل ہیں مگر کوئی بھی جیتے آخر جیت پاکستان کی ہی ہوگی، قذافی اسٹیڈیم میں چاروں صوبوں اور پاکستان کے ہر شہر سے لوگ فائنل دیکھنے آئے ہیں۔

Comments

comments

یہ بھی پڑھیں