The news is by your side.

Advertisement

ایم کیو ایم کا نام بدنام ہوچکا، مصطفیٰ کمال

کراچی: پاک سرزمین پارٹی کے چیئرمین مصطفیٰ کمال نے کہا ہے کہ مہاجروں نے ایم کیو ایم کو اپنا سب دیا مگر انہیں بدلے میں کچھ بھی نہیں ملا، ایم کیو ایم کا نام بدنام ہوچکا۔

اورنگی ٹاؤن میں کارنر مٹینگ سے خطاب کرتے ہوئے مصطفیٰ کمال کا کہنا تھا کہ آج شہر کا منظر دیکھ کردل خون کےآنسورورہاہے، جو سی این جی بسیں عوام کے لیے لایا وہ اینٹوں پر کھڑی ہیں۔

اُن کا کہنا تھا کہ  کراچی کے لیے جو میں نے کیا ایم کیو ایم کے پاس بتانے کے لیے وہی کچھ ہے اس کے علاوہ اُن کی کارکردگی صفر ہے، مہاجروں نے سب کچھ دیا مگر ایم کیو ایم نے انہیں کچھ بھی نہیں دیا۔

مزید پڑھیں: ہم صرف 6 مہینوں میں کراچی کو ٹھیک کر دیں گے: مصطفیٰ کمال

مصطفیٰ کمال کا کہنا تھا کہ ایم کیو ایم کا نام بدنام ہوچکا، حکومتوں میں رہنے والے ووٹ مانگنےآرہےہیں عوام ایک بار،پھردھوکاکھائیں گے۔

پی ایس پی چیئرمین نے اس عزم کا اظہار کیا کہ انتخابات میں فتح حاصل کرکے ہم شہر کو پھر سے 2005 سے 2010 والا کراچی بنائیں گے، 2 روز بعد شہر کے لوگوں الیکشن کے زریعے 7 نسلوں کا فیصلہ کریں گی۔

مصطفیٰ کمال نے دعویٰ کیا کہ عوامی سطح پر ہمیں جو مقبولیت مل رہی ہے اُسے دیکھ کر یہ بات کہی جاسکتی ہے کہ ’25 جولائی ہماری فتح اور 26 جولائی شہر سے غربت اور مظلوموں کی مظلومیت کے خاتمے کا دن ہوگا‘۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں