The news is by your side.

Advertisement

حماد صدیقی کی قانونی مدد کو فرض سمجھتے ہیں، رہنما پاک سرزمین پارٹی

کراچی: پاک سرزمین پارٹی کے سینئر رہنماء انیس احمد ایڈوکیٹ نے کہا ہے کہ رحمان عرف بھولا کے الزامات غلط ہیں حماد صدیقی بلدیہ فیکٹری میں ملوث نہیں، ہم کراچی تنظیمی کمیٹی کے سابق انچارج کی قانونی مدد کو اپنا فرض سمجھتے ہیں۔

میڈیا سے گفتگو کرتے ہوئے پاک سرزمین کے رہنماء انیس احمد ایڈوکیٹ نے حماد صدیقی کا دفاع کرتے ہوئےکہا کہ ’’حماد صدیقی سانحہ بلدیہ فیکٹری میں ملوث نہیں ہے، اُس کو قانونی فراہم کرنا ہم اپنا فرض سمجھتے ہیں‘‘۔

انہوں نے کہا کہ ’’حماد صدیقی سے ہر دوسرے تیسرے روز بات ہوتی ہے اور وہ پاک سرزمین پارٹی سے مسلسل رابطے میں ہے اور وہ بلدیہ فیکٹری کے سانحے میں ملوث نہیں، عبدالرحمان عرف بھولا کے الزامات غلط ہیں‘‘۔

پڑھیں: ’’ سانحہ بلدیہ: ہاں آگ میں نے لگائی، رحمان بھولا عدالت میں روپڑا ‘‘

خیال رہے سانحہ بلدیہ فیکٹری میں تھائی لینڈ سے گرفتار ہونے والے مرکزی ملزم نے عدالت میں اعتراف کیا کہ اُس نے آگ حماد صدیقی کے کہنے پر لگائی تھی، عدالت نے حماد صدیقی کی گرفتاری کے لیے ریڈ وارنٹ جاری کردیے ہیں اور اُسے ہرصورت گرفتار کرنے کا حکم دیا ہے۔

ایم کیو ایم کی کراچی تنظیمی کمیٹی کے سابق انچارج حماد صدیقی دبئی میں مقیم ہیں، عدالتی احکامات کے بعد اُن کی گرفتاری اور وطن واپس لانے کے لیے انٹرپول سے رابطہ کرلیا گیا ہے۔

مزید پڑھیں: ’’ سانحہ بلدیہ ٹاؤن، عبدالرحمان عرف بھولا کا ملوث ہونے کا اعتراف، حماد صدیقی ماسٹر مائنڈ قرار ‘‘

واضح رہے عبدالرحمان بھولا کی گرفتاری کے بعد یہ خبریں سامنے آئیں تھیں کہ اُس نے پاک سرزمین پارٹی میں شمولیت اختیار کرلی تھی ، جس کا فارم اور رہنماؤں کے ساتھ اہل خانہ کی ملاقات کی تصاویر بھی سوشل میڈیا پر وائرل بھی ہوئیں تھیں۔

Print Friendly, PDF & Email

Comments

comments

یہ بھی پڑھیں