ایم کیو ایم اور پیپلز پارٹی کچرے پر کھڑے ہو کر ووٹ مانگ رہی ہیں، مصطفیٰ کمال -
The news is by your side.

Advertisement

ایم کیو ایم اور پیپلز پارٹی کچرے پر کھڑے ہو کر ووٹ مانگ رہی ہیں، مصطفیٰ کمال

میئرکراچی کے خلاف نیب انکوائری جیری مینڈری کے مترادف ہے، فاروق ستار کا ردِ عمل

میر پور خاص: پاک سرزمین پارٹی کے سربراہ مصطفیٰ کمال نے کہا ہے کہ ایم کیو ایم اور پیپلز پارٹی والے کچرے پر کھڑے ہو کر ووٹ مانگ رہے ہیں۔

ان خیالات کا اظہار انھوں نے میر پور خاص میں انتخابی ریلی سے خطاب کرتے ہوئے کیا، مصطفیٰ کمال نے کہا ’الیکشن میں پی ایس پی سرپرائز دے گی۔‘

پی ایس پی کے رہنما نے کہا متحدہ قومی موومنٹ اور پیپلز پارٹی نے مل کر صوبے کو لوٹا ہے، آج دونوں پارٹیاں کچرے پر کھڑے ہو کر ووٹ مانگنے لگی ہیں۔

انتخابات میں پارٹی کی طرف سے سرپرائز کی بات کرتے ہوئے مصطفیٰ کمال نے دعویٰ کیا کہ وزیراعلیٰ سندھ ہمارا ہوگا یا ہماری حمایت سے بنے گا۔

انھوں نے ریلی سے خطاب کرتے ہوئے کہا کہ 2 سال پہلے کراچی میں مرنے والوں کا اسکور پوچھا جاتا تھا، اب شہدا قبرستان میں تالے پڑ گئے ہیں۔

دہشت گردی، معیشت اور خارجہ پالیسی نئی حکومت کے لیے بڑے چیلنج ہیں، فاروق ستار

پاک سرزمین پارٹی کے رہنما مصطفیٰ کمال کا کہنا تھا کہ ہم نے ہمیشہ صحیح کو صحیح اور غلط کو غلط کہا، اب فیصلہ عوام کو کرنا ہے۔

انھوں نے کہا ’عوام ڈولفن پر مہر لگا کر پی ایس پی کو کام یاب کریں، الیکشن میں کام یابی کے بعد پی ایس پی نمائندے عوام کی خدمت کریں گے۔‘

فاروق ستار


دوسری طرف میئر کراچی کے خلاف نیب انکوائری پر ایم کیو ایم کے رہنما فاروق ستار نے ردِ عمل ظاہر کرتے ہوئے کہا ہے کہ یہ انکوائری جیری مینڈری کے مترادف ہے۔

فاروق ستار نے کراچی میں ایک ریلی میں میڈیا سے گفتگو کرتے ہوئے کہا ’شہباز شریف کو نیب پہلے الزامات پر انکوائری کے لیے بلاتی ہے، کراچی میں الٹی ہی گنگا بہہ رہی ہے۔‘

انھوں نے کہا کہ چھاپے، گرفتاریاں جاری ہیں اور بینرز اور پرچم اتارنے کا عمل بھی جاری ہے، لیکن کچھ بھی کرلیں عوام کا ووٹ پتنگ کے لیے ہے، شہر کے مسائل پہلے بھی حل کیے، آئندہ بھی کریں گے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں