The news is by your side.

Advertisement

کراچی کی ابتر صورت حال کی وجہ نااہلی اور کرپشن ہے، مصطفیٰ کمال

کراچی: پاک سرزمین پارٹی کے سربراہ مصطفیٰ کمال نے کہا ہے کہ کراچی کی ابتر صورت حال کی وجہ نااہلی اور کرپشن ہے۔

تفصیلات کے مطابق پاک سرزمین پارٹی کے سربراہ مصطفیٰ کمال نے سماجی رابطے کی ویب سائٹ ٹویٹر پر لکھا کہ کراچی میں کرپشن اور نااہلی کا راج ہے، شہر کی حالت دیکھ کر ثابت ہوگیا کہ حکومتیں عوام کو ریلیف دینے میں ناکام ہیں۔

مصطفیٰ کمال نے کہا کہ لگتا ہے، وفاقی، صوبائی، شہری حکومت کو معلوم نہیں کرنا کیا ہے، کراچی کی خطرناک صورت حال بڑی تباہی کی وجہ بن سکتی ہے۔

پی ایس پی سربراہ نے کہا کہ کراچی کی حالت دستیاب وسائل سے بہتر کی جاسکتی ہے، اپنی زندگی میں شہر کی ایسی بدترین حالت پہلے نہیں دیکھی۔

مصطفیٰ کمال نے لکھا کہ کراچی کو پہلے کبھی اس بری طرح سے نظرانداز نہیں کیا گیا۔

مزید پڑھیں: وسیم اخترکوٹیکس مت دینایہ چوراورڈاکوہے ،نام ای سی ایل میں ڈالاجائے، مصطفیٰ کمال

واضح رہے کہ دو روز قبل مصطفیٰ کمال کا کہنا تھا کہ میئر کراچی وسیم اختر کا نام ای سی ایل میں ڈالا جائے، وسیم اختر نے جو کیا ہے اس پر انہیں فرار کا راستہ نہیں ملنا چاہئے۔

ان کا کہنا تھا کہ صفائی نہ ہونے کی ذمےداری میئرپرعائد ہوتی ہے، نالوں کی صفائی کا کام 100فیصد میئرکراچی کی ذمےداری ہے، کچرااٹھانےکا80 فیصد کام وسیم اختر کا ہے، کیس بعد میں بنائیں لیکن نام پہلےای سی ایل میں ڈالیں۔

مصطفیٰ کمال کا کہنا تھا کہ آرمی چیف جیسےسرحدوں کا دورہ کرتے ہیں خدا کے واسطے کراچی کا دورہ کریں ،آرمی چیف بلائیں گے تو سب آجائیں گے ، آرمی چیف جنگی بنیادوں پرکراچی کامسئلہ حل کرنےکی کوشش کریں۔

Comments

comments

یہ بھی پڑھیں