site
stats
پاکستان

پی ایس پی آج عوامی طاقت کا مظاہرہ کرے گی‘ ریڈ زون میں داخلے سے ممانعت

کراچی: پاک سرزمین پارٹی نے کراچی کے حقوق کے لئےملین مارچ کی تیاری مکمل کرلی‘ مصطفی کمال کاکہناہےکہ حکومت گرانامقصدنہیں‘ روکنےکی کوشش کی گئی تو احتجاج کا خوفناک راستہ اختیارکرنےپرمجبورہوں گے

تفصیلات کے مطابق پاک سرزمین پارٹی آج کراچی کے مسائل کے حل کے لیے ایف ٹی سی بلڈنگ سے لے کر وزیراعلیٰ ہاؤس تک ریلی نکالے گی۔ اس موقع پرپارٹی سربراہ مصطفی کمال نےدوٹوک کہہ دیا ہے کہ ریلی کا راستہ روکنےکی کوشش حکومت کےتابوت آخری کیل ثابت ہوگی۔

ان کا یہ بھی کہنا تھا کہ ہمارا مقصد حکومت گرانا نہیں شہر کے مسائل حل کراناہے لہذا ہمیں روکنے کی کوشش نہ کی جائے بصورت دیگر احتجاج کا خوفناک راستہ اختیار کیا جاسکتا ہے۔

مصطفیٰ کمال نے شہرِ قائد کے باسیوں سے اپیل کی کہ آج کے دن ہر شخص اپنے حقوق اوربنیادی ضروریات کے لیے گھر سے باہر نکلے اور پی ایس پی کی ریلی میں شریک ہو۔


پی ایس پی کی ریلی کے لیے دعا گو ہیں، خالد مقبول صدیقی


پی ا یس پی کے کارکنوں نے گزشتہ رات سےہی سماں باندھ رکھا ہے۔ جگہ جگہ لگے استقبالیہ کیمپس میں رات گئے تک پارٹی ترانے گونجتےرہے اورمحو رقص کارکن ماحول گرماتےرہے۔

یاد رہے کہ صوبائی وزیرسندھ اسمبلی ناصر حسین شاہ نے پی ایس پی کو ریڈزون میں داخل نہ ہونے کی ہدایت کی ہے تاہم ان کی ہدایت کو خاطر میں نہ لاتے ہوئے پی ایس پی کے رہنما انیس قائم خانی نے کہا ہے کہ پورا شہر ہمارا ہے‘ ریڈزون کوئی نہیں‘ سب گرین زونز ہیں۔ واٹر کینن اور پولیس کے ڈنڈوں سے ڈرنےوالے نہیں، کراچی والوں کے لئےبنیادی سہولیات چاہئیے ہیں۔

دوسری جانب کمشنر کراچی اعجاز احمد شاہ نے واضح کیا ہے کہ ریڈ زون میں دفعہ 144 نافذ ہے جس کے تحت جلسے جلوس اور ریلیوں پرپابندی عائد ہے اور ہر صورت قانون کی پاسداری یقینی بنائی جائے گی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top