site
stats
پاکستان

قومی پرچم جلسوں میں لانا شہریوں کا حق ہے، وکیل پی ایس پی

اسلام آباد : پاک سرزمین پارٹی نے کہا ہے کہ پارٹی پرچم، قومی پرچم سے منفرد ہے اور قومی پرچم لے کر جلسوں میں آنا شہریوں کا بنیادی حق ہے۔

تفصیلات کے مطابق الیکشن کمیشن میں پاک سرزمین پارٹی کا قومی پرچم کو بطور پارٹی پرچم استعمال کرنے کے خلاف سماعت میں مصطفیٰ کمال کے وکیل نے جواب جمع کرواتے ہوئے موقف پیش کیا کہ الیکشن کمیشن کے پاس یہ کیسے سننے کا اختیار نہیں۔

پاک سرزمین پارٹی نے الیکشن کمیشن کےدائرہ سماعت کوچیلنج کرتے ہوئے کہا الیکشن کمیشن کے پاس یہ کیس سننے کا اختیار نہیں اور یہ پارٹی پرچم قومی پرچم سے منفرد ہے۔

پاک سرزمین پارٹی کے چیئرمین مصطفیٰ کمال کے وکیل نے کہا کہ قومی پرچم لےکرجلسوں میں آنا شہریوں کا بنیادی حق ہے سیاسی مقاصد کے تحت ہمارے خلاف درخواست دی گئی ہے۔

واضح رہے متحدہ قومی موومنٹ سے اپنی راہیں جدائیں کرنے والے مصطفیٰ کمال اور انیس قائم خانی نے پاک سرزمین پارٹی کے نام سے نئی جماعت کی بنیاد رکھی تاہم انہوں نے اپنی پارٹی کا علیحدہ پرچم منتخب کرنے کے بجائے قومی پرچم کو ہی استعمال کرنے کا اعلان کیا تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top