کراچی: پاکستان اسٹاک ایکسچینج میں آج بھی کاروبار میں تیزی دیکھی گئی، 100 انڈیکس 1000سے زائد پوائنٹس کے اضافے کے بعد چالیس ہزار کی نفسیاتی حد عبور کر گیا۔
تفصیلات کے مطابق آئی ایم ایف کی تمام شرائط منظور کرنے کی خبروں پرآج پاکستان اسٹاک مارکیٹ میں مثبت رجحان رہا۔
ہنڈرڈ انڈیکس ایک ہزار 61 پوائنٹس کا اضافہ ریکارڈ کیا گیا، جس کے بعد انڈیکس 40 ہزار کی نفسیاتی حد عبور کر گیا۔
پاکستان اسٹاک مارکیٹ میں کاروبار کے اختتام پر ہنڈرڈ انڈیکس40 ہزار 846 پوائنٹس پربند ہوا۔
ماہرین کا کہنا ہے کچھ مثبت خبروں کی وجہ سے سرمایہ داروں کا مارکیٹ پراعتماد بحال ہوا ہے، حکومت نے آئی ایم ایف کو یکم فروری سے منی بجٹ کے ذریعے نئے ٹیکس لگانا کا یقین دلایا ہے، بجلی اور گیس کی قیمتوں میں اضافہ کیا جاسکتا ہے۔
گذشتہ روز اسٹاک مارکیٹ 729 پوائنٹس کے اضافے سے39 ہزار784پر بند ہوئی جبکہ دن بھر مجموعی طور پر355 کمپنیوں کے شیئرز کا کاروبار ہوا تھا۔
