The news is by your side.

Advertisement

سرمایہ کاروں کااعتماد بحال ،اسٹاک مارکیٹ میں تیزی

کراچی: پاکستان اسٹاک ایکسچینج میں کاروباری ہفتے کے پہلے روز تیزی دیکھی گئی اور 100 انڈیکس نے 38 ہزار پوائنٹس کی سطح عبور کرلی۔

تفصیلات کے مطابق کاروباری ہفتے کے پہلے یعنی پیر کے روز سرمایہ کاروں نے پُراعتماد انداز سے پاکستان اسٹاک ایکسچینج میں سرمایہ کاری کی جس کی وجہ سے مارکیٹ ابتدا سے ہی تیز رہی۔

کاروباری ہفتےکےپہلے روز بھی اسٹاک ایکس چینج میں 825 پوائنٹس کا اضافہ ہوا جس کے بعد 100 انڈیکس اڑتیس ہزارپوائنٹس کی سطح عبور کرکے  7 ماہ کی بلند ترین سطح پر پہنچ گیا۔

حالیہ اضافے کے بعد انڈیکس سات ماہ کی بلند ترین سطح پر پہنچ گیا اور مارکیٹ 38ہزار 411 پوائٹس پر بند ہوئی۔ مجموعی طور پر ٹریڈنگ کے دوران چھالیس کروڑ 60 لاکھ شیئرز کی لین دین ہوئی۔

معاشی تجزیہ کاروں کے گزشتہ ٹریڈنگ سیشن کے مقابلے میں کاروباری حجم میں 26 فیصد اضافہ ہوا، گزشتہ ہفتے بھی انڈیکس میں 1600 سے زائد پوائنٹس کا اضافہ ریکارڈ کیا گیا تھا۔

Comments

comments

یہ بھی پڑھیں