The news is by your side.

Advertisement

پاکستان اسٹاک ایکسچینج میں زبردست تیزی، 388 پوائنٹس کا اضافہ

کراچی: پاکستان اسٹاک ایکسچینج میں آج بھی بازار گرم رہا اور 100 انڈیکس میں 388 پوائنٹس کا اضافہ ریکارڈ کیا گیا۔

تفصیلات کے مطابق کاروباری ہفتے کے چوتھے یعنی جمعرات کے روز سرمایہ کار اسٹاک ایکسچینج میں سرگرم نظر آئے اور انہوں نے خرید و فروخت میں دلچسپی بھی ظاہر کی۔

 مارکیٹ اپنے آغاز سے ہی مثبت پوائنٹس میں داخل ہوگئی تھی جبکہ ایک موقع پر سست روی بھی دیکھنے میں آئی مگر  پھر تیزی ہوئی جس کے باعث 9 ارب مالیت کے 32 کروڑ شیئر کا کاروبار ہوا۔

کاروبار کے دوران 100 انڈیکس میں 1.19 فیصد کا نمایاں اضافہ ہوا جبکہ مارکیٹ 388 پوائنٹس اضافے کے بعد 32 ہزار 752 پر بند ہوئی۔

ٹریڈنگ کے دوران 361 کمپنیوں کے شیئر خرید و فروخت کے لیے پیش کیے گئے جن میں سے 271 کی قیمتوں میں اضافہ، 79 کے ریٹ میں کمی اور 11 کی قیمتوں میں کوئی ردوبدل نہیں ہوا۔

انٹربینک ڈالر

دوسری جانب انٹربینک میں ڈالر کی قدر میں 2 پیسے کا اضافہ ہوا جس کے بعد ڈالر 156 رپے 36 پیسے پر بند ہوا۔

Comments

comments

یہ بھی پڑھیں