پاکستان اسٹاک ایکسچینج، کاروباری ہفتہ کا منفی اختتام -
The news is by your side.

Advertisement

پاکستان اسٹاک ایکسچینج، کاروباری ہفتہ کا منفی اختتام

سرمایہ کاروں کے 184 ارب روپے ڈوب گئے

کراچی: پاکستان اسٹاک ایکسچینج میں کاروباری ہفتے کا اختتام منفی ہوا اور انڈیکس 862 پوائنٹس کمی کے بعد 39ہزار 2سو 26  پر بند ہوا۔

تفصیلات کے مطابق کاروباری ہفتے کے آخری روز پاکستان اسٹاک ایکسچینج میں مندی کے بادل ٹریڈنگ کے آغاز سے ہی چھائے رہے اور 100 انڈیکس میں 860 پوائنٹس کی کمی ریکارڈ کی گئی۔

ٹریڈنگ کا آغاز ہوا تو سرمایہ کاروں نے محتاط انداز میں خریداری کی اور ہاتھ کھینچ کر رکھا، دوسرے سیشن میں بھی کاروبار منفی رہا اور پھر اس کا تسلسل مارکیٹ بند ہونے تک جاری رہا۔

مارکیٹ سمری

مجموعی طور پر 100 انڈیکس میں 860 پوائنٹس کی مندی دیکھی گئی جس کے بعد مارکیٹ 39226 پوائنٹس پر بند ہوئی۔

ٹریڈنگ کے دوران 5.4 ارب روپے مالیت کے 15 کروڑ حصص کی لین دین ہوئی، کاروباری لین دین کے لیے 331 کمپنیوں کے شیئرز مارکیٹ میں خرید و فروخت کے لیے پیش کیے گئے جن میں سے 46 کی قیمتوں میں اضافہ، 271 کی قدر میں کمی جبکہ 14 کے ریٹ میں کوئی ردوبدل نہیں ہوا۔

معاشی تجزیہ کاروں کے مطابق ایک دن میں سرمایہ کاروں کو 184 ارب روپے کا نقصان ہوا، مارکیٹ کا سرمایہ 8250 ارب سے کم ہوکر 8066 ارب روپے رہ گیا۔

Comments

comments

یہ بھی پڑھیں