کراچی : پاکستان اسٹاک ایکسچینج میں شدیدمندی کے باعث انڈیکس 4 سال کی کم ترین سطح 34 ہزار 900 کی سطح تک گرگیا اور سرمایہ کاروں کے115ارب ڈوب گئے۔
تفصیلات کے مطابق پاکستان اسٹاک ایکسچینج میں شدیدمندی ریکارڈ کی گئی، کاروبار کے دوران 100 انڈیکس میں 730 پوائنٹس کی کمی دیکھنے میں آئی اور سرمایہ کار محتاط ہوگئے۔
اسٹاک ایکسچینج میں ایک دن میں انڈیکس میں2 فیصد سے زائد کی کمی ہوئی اور 100 انڈیکس4 سال کی کم ترین سطح 34 ہزار 900 کی سطح تک گرگیا، شیئرزکی قیمت کم ہونےسےسرمایہ کاروں کے115ارب ڈوب گئے
یاد رہے پاکستان اسٹاک ایکسچینج میں مئی کے دوسرے ہفتےمیں بھی مندی کی لہر برقرار ہے ، کاروباری ہفتے کے پہلے روز بھی انڈیکس میں پانچ سوسترہ پوائنٹس کی کمی ریکارڈ کی گئی اور انڈیکس پھرتین سال کی کم ترین سطح کےقریب آگیا تھا۔
مئی کے پہلے ہفتے میں بھی انڈیکس میں ایک ہزار پوائنٹس سے زائدکی مندی دیکھی گئی۔
ماہرین کےمطابق معاشی فرنٹ پربےیقینی،شرح سوداوربجلی گیس کی قیمتوں میں اضافے،آئی ایم ایف پروگرام کی سخت شرائط اور روپےکی قدر میں ممکنہ کمی کے باعث سرمایہ کار پریشان ہیں۔
اپریل میں بھی اسٹاک مارکیٹ کافی خراب رہی، گزشتہ ماہ انڈیکس میں اٹھارہ سو پینسٹھ پوائنٹس کی کمی ریکارڈکی گئی جوکہ چودہ سال کی بدترین سطح ہے۔
مزید پڑھیں : پاکستان اسٹاک ایکسچینج: 100 انڈیکس 3 سال کی کم ترین سطح پر
پاکستان اسٹاک مارکیٹ میں اپریل کے آخری ہفتے مین ایک دن میں 100 انڈیکس میں 1.9 فیصد کی نمایاں کمی دیکھی گئی۔ انڈیکس نیچے جانے کے بعد شیئرز کی قیمت کم ہونے سے سرمایہ کاروں کے 110 ارب ڈوب گئے۔
اپریل میں غیرملکی سرمایہ کاروں نےاسٹاک مارکیٹ سے سولہ ارب چودہ کروڑچورانوئے لاکھ روپےکا سرمایہ نکال لیا۔