site
stats
بزنس

شیئرز کی فروخت، چینی سرمایہ کاروں نے رقم اسٹاک مارکیٹ کے حوالے کردی

کراچی : پاکستان اسٹاک مارکیٹ کو شیئرز کی فروخت کی رقم مل گئی، چینی سرمایہ کاروں نے8ارب 96کروڑ روپے کی رقم اسٹاک مارکیٹ کے حوالے کردی۔

گزشتہ سال دسمبر میں پاکستان اسٹاک ایکسچینج کے چالیس فیصد حصص فروخت چینی کنسورشیئم کو فروخت کئے گئے تھے، اس فروخت کی مد میں آٹھ ارب چھیانوے کروڑ روپے کی رقم پی ایس ایکس کو مل گئی ہے ۔

اسٹاک مارکیٹ کی ڈویسٹمنٹ کمیٹی کے چیئرمین شہزاد چامڈیہ کا کہنا ہے کہ حصص کی رقم اسٹیٹ بینک کے اکاؤنٹ میں آئی۔ رقم کو گزشتہ روز پاکستان اسٹاک ایکسچینج کے اکاؤنٹمیں منتقل کردیا گیا، رقم اسٹاک مارکیٹ کے دو سو بروکرز میں برابر تقسیم کی جائے، ہر بروکر کو اس کے حصہ کے بدلے میں چار کروڑ اڑتالیس لاکھ روپے ملیں گے۔

پی ایس ایکس کے چالیس فیصد حصص بروکرز کے پاس، چالیس فیصد چینی سرمایہ کاروں کے پاس جبکہ بقیہ بیس فیصد جلد عوامی فروخت کیلئے پیش کئے جائیں گے۔


مزید پڑھیں : پاکستان اسٹاک ایکسچینج، 40 فی صدحصص فروخت


یاد رہے کہ چینی کنسورشیئم نے دسمبر 2016 میں 28 روپے فی حصص کی خریداری کی کامیاب بولی دے کر 8 ارب 96 کروڑ روپے میں 320 ملین (32 کروڑ) شیئرز خریدے تھے ۔

جس کے بعد چینی کنسورشیئم کی جانب سے خریداری کا عمل کامیاب خرید و فروخت کے ٹرانزیکشن معاہدے کے ذریعے عمل میں لایا گیا تھا، جس پر گزشتہ ماہ 21 جنوری 2017 کو دستخط کیے گئے تھے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top