The news is by your side.

Advertisement

ٹک ٹاک ایپ سے متعلق پی ٹی اے کا بڑا فیصلہ

اسلام آباد: پاکستان ٹیلی کمیونی کیشن اتھارٹی نے ٹک ٹاک ایپ بند کرنے کا فیصلہ کر لیا۔

اے آر وائی نیوز کے مطابق پی ٹی اے نے ٹک ٹاک ایپ بند کرنے کا فیصلہ کر لیا، اتھارٹی کا کہنا ہے کہ ٹک ٹاک کے خلاف بہت ساری شکایات موصول ہوئی تھیں جس پر ٹک ٹاک بلاک کرنے کی ہدایات جاری کر دی گئی ہیں۔

پی ٹی اے کا کہنا ہے کہ ٹک ٹاک کے خلاف غیر اخلاقی مواد کے حوالے سے شکایات تھیں۔

ٹک ٹاک کا شوق ایک اور نوجوان کی جان لےگیا

واضح رہے کہ پاکستان میں ٹک ٹاک کے شوقین افراد کی تعداد لاکھوں میں ہے جو اپنی ویڈیوز بنا کر ٹک ٹاک پر اپ لوڈ کرتے ہیں، اس دوران ہزاروں نوجوان خطرناک انداز میں ویڈیو بنا کر ایپ پر ڈاؤن لوڈ کرتے ہیں جس کے باعث گزشتہ ایک سال کے دوران درجنوں نوجوان اپنی زندگی کی بازی ہار چکے ہیں۔

رواں ماہ 3 تاریخ کو  کراچی میں لیاری ایکسپریس وے پر چار دوست ٹک ٹاک ویڈیو بناتے ہوئے ٹریفک حادثے کا شکار ہو گئے تھے جن میں 13 سال کا سلمان جان کی بازی ہار گیا تھا۔

پولیس کے مطابق چاروں بچے پیدل ایکسپریس وے پر ٹک ٹاک ویڈیو بنا رہے تھے کہ پیچھے سے ہائی روف گاڑی نے بچوں کو ٹکر مار دی۔

Comments

یہ بھی پڑھیں