اسلام آباد: پاکستان ٹیلی کمیونیکیشن اتھارٹی (پی ٹی اے) نے مختصر ویڈیو شیئرنگ ایپ پر شیئر ہونے والی غیراخلاقی اور نامناسب ویڈیوز ہٹانے کا مطالبہ کردیا۔
پی ٹی اے نے ٹک ٹاک سے مطالبہ کیا کہ وہ اپنے پلیٹ فارم پر شیئر ہونے والی غیر اخلاقی، فحش اور نامناسب مواد کو پاکستان میں فوری طور پر بلاک کرے۔
اعلامیے میں کہا گیا ہے کہ ’پی ٹی اے نے پلیٹ فارم پر موجود غیر مہذب اور غیر اخلاقی ویڈیوز کے منفی اثرات کو مدنظر رکھتے ہوئے اسے فوری طور پر ہٹانے یا پاکستان میں بلاک کرنے کا مطالبہ کیا‘۔
PTA has approached TikTok to immediately ensure blocking of objectionable content and to prevent the usage of its platform for disseminating illegal content. pic.twitter.com/owXSDB3zv0
— PTA (@PTAofficialpk) September 24, 2020
علاوہ ازیں پی ٹی اے نے ٹک ٹاک انتظامیہ سے مؤثر مانیٹرنگ کا مطالبہ کرتے ہوئے کہا کہ اس حوالے سے مؤثر حکمت عملی وضع کی جائے تاکہ نامناسب مواد کو ہٹایا جائے بصورت دیگر قانون کے تحت کارروائی عمل میں لائی جائے گی۔
مزید پڑھیں: پی ٹی اے کا ٹک ٹاک سے بھی غیراخلاقی مواد ہٹانے کا مطالبہ
یاد رہے کہ اس سے قبل بھی پی ٹی اے نے غیر اخلاقی مواد کی تشہیر پر ٹک ٹاک انتظامیہ سے رابطہ کیا تھا اور وہاں سے جواب موصول نہ ہونے پر پاکستان بھر میں سروس کو بند کردیا گیا تھا۔
