اسلام آباد: ٹیلی کام صارفین کی سہولت کے لیے پی ٹی اے نے کنزیومر سپورٹ سینٹر (سی ایس سی) کا آغاز کیا ہے.
تفصیلات کے مطابق کنزیومر سپورٹ سینٹر کا عملہ تربیت یافتہ اور مستعد نمائندوں پر مشتمل ہے۔ سی ایس سی کی خدمات ہفتے کے ساتوں دن صبح 9بجے سے رات9بجے تک ٹال فری نمبر0800-55055 پر دستیاب رہیں گی۔
چیئرمین پی ٹی اے میجر جنرل(ریٹائرڈ) عامر عظیم باجوہ نے آج پی ٹی اے ہیڈ کوارٹر میں سی ایس سی کا افتتاح کرتے ہوئے کہا کہ سی ایس سی کا مقصد عوام الناس کو ٹیلی کام سروسز سے متعلق شکایات کے ازالے کا باسہولت اور آسان نظام فراہم کرنا ہے۔
صارفین اپنے موبائل آپریٹر، انٹرنیٹ سروس فراہم کنندگان، فکسڈ لائن فون فراہم کنندگان اور دیگر ٹیلی کام آپریٹرز کے حوالے سے شکایات کے لیے رابطہ کر سکتے ہیں۔
صارف ڈی آئی آر بی ایس، ویب مواد کی رپورٹنگ، یو اے این، ٹول فری نمبر، یو آئی این کے علاوہ شارٹ کورڈ اور سی وی اے ایس کے حوالے سے بھی سی ایس سی سے رابطہ کر سکتے ہیں۔
صارف سی ایس سی پر موجود نمائندے کو بنیادی معلومات کی فراہمی کے بعد نمایندے سے درج شدہ شکایت کے بارے میں معلومات جواب حاصل کر سکے گا.
