The news is by your side.

Advertisement

پاکستان تحریک انصاف آج لاہورمیں مینارپاکستان پرسیاسی قوت کا مظاہرہ کرے گی

لاہور: پاکستان تحریک انصاف آج پنجاب کے دارالحکومت لاہور میں مینارپاکستان پرسیاسی قوت کا مظاہرہ کرے گی۔

تفصیلات کے مطابق پاکستان تحریک انصاف لاہور میں مینار پاکستان پر تاریخی جلسہ کرے گی جس سے چیئرمین پی ٹی آئی عمران خان سمیت دیگرپارٹی رہنما خطاب کریں گے۔

جلسے کے حوالے سے انتظامات کو حتمی شکل دے دی گئی ہے، جلسہ گاہ میں 120 فٹ لمبا، 32 فٹ چوڑا اور 24 فٹ اونچا اسٹیج بنا دیا گیا جبکہ پنڈال میں 10 اسکرینیں نصب کی گئی ہیں۔

پاکستان تحریک انصاف کے ٹائیگرز کی جانب سے لاہور کی شاہراوں کو عمران خان کی تصاویر، بینرز اورپینا فلیکسز سے سجا دیا گیا، جلسے میں شرکت کے لیے ملک بھر سے قافلوں کی صورت میں کارکنوں کی آمد کا سلسلہ جاری ہے۔

پی ٹی آئی کے مطابق شرکاء کے بیٹھنے کے لیے گراؤنڈ میں 50 ہزار کرسیاں لگائی گئی ہیں جبکہ آج کے جلسےمیں میوزک کا تڑکا لگانے کے لیے دو نئے گانے بھی تیار کرلیے گئے ہیں۔

دم مست قلندر پاکستان کے نامور گلوکار اور موسیقار راحت فتح علی خان کی آواز میں ہے جبکہ دوسرے گانے کے بول ہیں چاروں صوبوں کی پہچان عمران خان، اس گیت کے تیار کرنے میں خواجہ آصف کے خلاف کیس جیتنے والے تحریک انصاف کے رہنما عثمان ڈارنے کلیدی کردار ادا کیا۔


تحریک انصاف کے جلسے کے لیے سیکورٹی انتظامات

مینار پاکستان پر پاکستان تحریک انصاف کے جلسے کے لیے 2 ہزار سے زائد پولیس اہلکار سیکورٹی پرمامور ہوں گے، جلسہ گاہ میں داخلے کے لیے واک تھرو گیٹس نصب کیے گئے ہیں۔

جلسہ گاہ جانے کے لیے 2 داخلی دروازے بنائے گئے ہیں، خواتین کے لیے الگ راستہ بنایا گیا ہے۔


پاکستان تحریک انصاف کا جلسہ‘ ٹریفک پلان

پاکستان تحریک انصاف کے مینارپاکستان پرجلسے کے لیے ٹریفک پلان جاری کردیا گیا ہے جس کے مطابق مال روڈ، جیل روڈ، فیروز پور روڈ، کینال روڈ اور رنگ روڈ ہرقسم کی ٹریفک کے لیے کھلے رہیں گے۔

ٹریفک پولیس کے مطابق شاہدرہ چوک سے پرانا راوی پل بھی ٹریفک کے لیے کھلا رہے گا، شہری آمدورفت کے لیے رنگ روڈ کو زیادہ استعمال کریں، مال روڈ سے شاہدرہ جانے والی ٹریفک آؤٹ فال روڈ، سگیاں پل سے جاسکے گی۔

پاکستان تحریک انصاف کے جلسے میں شرکت لیے آنے والی گاڑیاں گریٹراقبال پارکنگ، ناصرباغ، موچی گیٹ اور کشمیری گیٹ میں پارک کی جاسکیں گی۔

خیال رہے کہ گزشتہ روز پاکستان تحریک انصاف کے چیئرمین عمران خان مینار پاکستان پرہونے والی جلسے میں شرکت کے لیے لاہورپہنچے اور تحریک انصاف کے رہنما علیم خان کے گھر پر پارٹی رہنماؤں سے ملاقات کی۔


انتیس اپریل کو مینار پاکستان پر سالگرہ کا جشن منائیں گے، عمران خان

یاد رہے کہ 25 اپریل کو پاکستان تحریک انصاف کے بائیسویں یوم تاسیس پرعمران خان نے کارکنان کو مبارکباد دیتے ہوئے کہا تھا کہ انتیس اپریل کو مینار پاکستان پرسالگرہ کا جشن منائیں گے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں