The news is by your side.

Advertisement

مرکز میں حکومت سازی، پی ٹی آئی اور مسلم لیگ ن، ایم کیوایم کی 6 سیٹوں کے لئے سرگرم

کراچی : متحدہ قومی مومنٹ پاکستان کی اہمیت بڑھ گئی، پاکستان تحریک انصاف اور مسلم لیگ ن ایم کیوایم کی 6 سیٹوں کے لئے سرگرم ہیں۔

تفصیلات کے مطابق پی ٹی آئی اور ن لیگ مرکز میں حکومت سازی کے لئے ایم کیوایم کے چھ اراکین کی حمایت حاصل کرنے میں سرگرم ہوگئی۔

عمران خان نے جہانگیر ترین سے رابطہ کرکے فوری کراچی روانگی کی ہدایت کی، جہانگیرترین کراچی پہنچ کر خالد مقبول صدیقی سے ملاقات کریں گے، ملاقات میں مرکز میں حکومت سازی کے لئے ایم کیو ایم کی حمایت حاصل کی جائے گی۔

اس سے قبل جہانگیرترین کا دورہ کراچی ملتوی ہوگیا تھا اور کہا گیا تھا کہ پنجاب میں حکومت سازی مکمل ہونے کے بعد جہانگیر ترین دورہ کریں گے۔

خیال رہے کہ پاکستان تحریک انصاف کے رہنما جہانگیر ترین نے ایم کیو ایم پاکستان کے رہنما خالد مقبول صدیق سے رابطہ کیا اور حکومت سازی کے عمل میں مل بیٹھنے کی دعوت دی تھی۔


مزید پڑھیں : پی ٹی آئی کی ایم کیو ایم کو حکومت سازی کےعمل میں مل بیٹھنے کی دعوت


دوسری جانب مستعفی گورنر سندھ محمدزبیر نے بھی خالدمقبول صدیقی سے رابطہ کرکے ملاقات کا وقت مانگ لیا۔

مسلم لیگ ن کے رہنما محمد زبیر سربراہی میں ن لیگی وفد ساڑھے تین بجے ایم کیوایم پاکستان کے مرکز پرخالد مقبول صدیقی سے ملاقات کرے گا۔

ذرائع کا کہنا ہے کہ ملاقات میں وفاق میں مسلم لیگ ن کا ساتھ دینے پر بات چیت ہوگی اور محمد زبیر ملاقات میں ایم کیو ایم سے حمایت کی درخواست کریں گے۔

خالد مقبول صدیقی کا کہنا ہے ابھی تک کسی کی حمایت کا فیصلہ نہیں کیا، سیاسی صورتحال پر ایم کیوایم پاکستان نے شام 6 بجے جنرل ورکرزاجلاس طلب کرلیا ہے، جس میں آئندہ کی حکمت عملی اورانتخابی حلقے نہ کھلنے پر لائحہ عمل طے کیا جائے گا۔

یاد رہے کہ سابق گورنر سندھ ڈاکٹر عشرت العباد نے ایم کیو ایم کے کنوینر خالد مقبول صدیقی کو فون کیا اور کہا تھا کہ شہری سندھ کے لیے تحریک انصاف کے ساتھ چلنے پر مشاورت کی جائے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں