The news is by your side.

Advertisement

زعیم قادری کی بغاوت: پی ٹی آئی کا خیرمقدم، ن لیگ کی تنقید

لاہور: زعیم قادری کی بغاوت اور آزاد حیثیت میں‌ الیکشن لڑنے کا پی ٹی آئی نے خیرمقدم کیا ہے، جب کہ ن لیگ نے اسے جذباتی اقدام قرار دیا ہے.

تفصیلات کے مطابق مسلم لیگ ن کے ناراض رہنما زعیم قادری نے پارٹی سے بغاوت کرتے ہوئے آزاد حیثیت میں الیکشن لڑنے کا اعلان کردیا ہے. اس ضمن میں علیم خان اور رانا ثنا اللہ نے میڈیا سے بات کرتے ہوئے اپنے خیالات کا اظہار کیا.

پی ٹی آئی کے دروازے زعیم قادری کے لئے کھلے ہیں:علیم خان

پی ٹی آئی رہنما علیم خان نے کہا ہے کہ آج ن لیگ کی اصلیت سامنے آگئی، زعیم قادری بارش کا پہلا قطرہ ہیں، ن لیگ نے ہمیشہ کارکنوں کا استحصال کیا، ان کا شیرازہ بکھر کر رہے گا، اب یہ عمل نہیں رک سکتا.

ان کا کہنا تھا کہ پی ٹی آئی کے دروازے زعیم قادری کے لئے کھلے ہیں، زعیم قادری فیصلہ کرلیں، پی ٹی آئی خوش آمدید کہے گی۔

ان کا کہنا تھا کہ زعیم قادری پختہ سیاسی رہنما ہیں، انھیں اُن کاحق ملنا چاہیے، حالات بتاتے ہیں کہ آنے والے دنوں میں مزید لیگی ٹوٹیں گے.

ہر کسی کوٹکٹ نہیں دے سکتے: رانا ثنا اللہ

مسلم لیگ ن کے رہنما رانا ثنا اللہ کا کہنا تھا کہ زعیم قادری کے معاملے سے لاعلم ہوں، زعیم قادری کے تحفظات کاعلم نہیں.

انھوں نے کہا کہ زعیم قادری سے دو روزپہلے ٹکٹوں کی تقسیم سے متعلق بات ہوئی تھی، میرے نزدیک انھوں‌ نے جذبات میں آکر پریس کانفرنس کی.

رانا ثنا اللہ کا کہنا تھا کہ ایک ایک حلقے سے 29 ،29 افراد نے درخواستیں دیں، ہر کسی کو ٹکٹ نہیں دے سکتے، ایک ہی ٹکٹ ہوتاہے، پھاڑ کر2 سے 3 افراد کو نہیں دیا جاسکتا.

انھوں نے کہا کہ زعیم قادری اکثر گلے شکوے کیا کرتے تھے، مگر انھیں ایسے نازک موقع پر جذبات میں نہیں آنا چاہیے تھا، زعیم قادری کا جذباتی اورغصیلہ پن معمول کی بات ہے.


زعیم قادری کی ن لیگ سے بغاوت، آزاد حیثیت میں الیکشن لڑنے کا اعلان


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Print Friendly, PDF & Email

Comments

comments

یہ بھی پڑھیں