پشاور : پاکستان تحریک انصاف اندرونی انتشار کا شکار ہوگئی، حکومتی اراکین کے اختلاف کھل کر سامنے آنے لگے، پشاور اسمبلی اجلاس کے دروان اراکین نے اپنے ہی بجٹ کی کاپیاں پھاڑ کر ایوان میں اچھال دیں۔
تفصیلات کے مطابق پشاور اسمبلی میں بحٹ پر بحث کی اجازت نہ ملنے پر چار حکومتی ارکان نے شدید احتجاج کیا اور بجٹ کی کاپیاں پھاڑ ڈالیں، چاروں اراکین نے اسمبلی اجلاس سے واک اؤٹ کیا تو اپوزیشن نے موقع کا فائدہ اٹھاتے ہوئے اجلاس کا بائیکاٹ کردیا۔
واک آوٹ کرنے والوں میں قربان خان،یاسین خلیل،بابر سلیم اور جمشید خان شامل تھے۔
دوسری جانب وزیر اعلی خیبر پختونخوا پرویزخٹک کے مشیر شکیل احمد نے بھی مستعفی ہونے کی دھمکی دیتے ہوئے کہا کہ ’’ تبدیلی اوراصلاحات کےنام پرووٹ لیا لیکن ہوتاکچھ نظرنہیں آرہا‘‘۔
مزید پڑھیں : عمران خان صوبائی اسمبلی کے ناراض اراکین کو منانے میں کامیاب ہوگئے
قبل ازیں کے پی کے میں وزیر اعلیٰ کو اپنے ہی اراکین کی مخالفت کا سامنا ہے، جس پر تحریک انصاف کے چیئرمین عمران خان کئی اہم مٹینگز بھی کرچکے ہیں۔
