پنجاب میں حکومت سازی، وزیراعلیٰ پنجاب کے امیدوار کے نام کا اعلان کل متوقع
The news is by your side.

Advertisement

پنجاب میں حکومت سازی، وزیراعلیٰ پنجاب کے امیدوار کے نام کا اعلان کل متوقع

اسلام آباد : پاکستان تحریک انصاف کی جانب سے پنجاب کے وزیراعلیٰ کے نام کا اعلان کل تک متوقع ہے، عمران خان قائد ایوان کے نام کا اعلان صوبائی پارلیمانی پارٹی کے اجلاس میں کریں گے۔

تفصیلات کے مطابق تحریک انصاف نے پنجاب میں حکومت سازی کے لیے ممبران کی تعداد مکمل کرلی ہے اور دعویٰ کیا ہے 29 آزاد ارکان میں سے 25ارکان تحریک انصاف میں شامل ہوچکے ہیں۔

پی ٹی آئی کی جانب سے وزیراعلیٰ کے نام کا اعلان کل متوقع ہے، عمران خان قائد ایوان کے نام کا اعلان صوبائی پارلیمانی پارٹی کے اجلاس میں کریں گے۔

اجلاس میں اسپیکراورڈپٹی اسپیکرکےناموں کا فیصلہ بھی ہوگا۔


مزید پڑھیں : تحریکِ انصاف کا پنجاب اسمبلی میں 186 ارکان کی حمایت کا دعویٰ


اجلاس میں پاکستان تحریک انصاف میں شامل ہونے والے آزاد ارکان بھی شامل ہوں گے۔

دوسری جانب نون لیگ انتخابات میں اکثریت حاصل کرنے کے باوجود نمبر گیم میں پیچھے رہ گئی اور صرف ایک آزاد امیدوارکی حمایت حاصل کرسکی۔

خیال رہے کہ پنجاب اسمبلی کا ایوان 371 ارکان پر مشتمل ہے، پی ٹی آئی کے دعوے کے مطابق اسے 186 ارکان کی حمایت مل گئی ہے، پی ٹی آئی ذرائع کے مطابق میاں اسلم اور یاسمین راشد وزارتِ اعلیٰ کی دوڑ میں شامل ہیں۔

واضح رہے کہ پنجاب اسمبلی میں براہ راست منتخب ہونے والے 297 ارکان میں سے 285 حلف اٹھائیں گے، پنجاب اسمبلی کے لیے 6 حلقوں میں ابھی انتخابات ہی نہیں ہو سکے ہیں، جب کہ پی پی 35،78،87،88،93 اور پی پی 103 میں انتخابات ملتوی کیے گئے ہیں۔

Comments

comments

یہ بھی پڑھیں