The news is by your side.

Advertisement

پی ٹی آئی نے حلیم عادل شیخ کے پروڈکشن آرڈر کے لیے درخواست دے دی

کراچی: پاکستان تحریک انصاف نے سندھ اسمبلی میں اپوزیشن لیڈر حلیم عادل شیخ کے پروڈکشن آرڈر کے لیے درخواست دے دی۔

تفصیلات کے مطابق سینیٹ انتخابات کے سلسلے میں پی ٹی آئی سندھ نے اپنے گرفتار رہنما حلیم عادل شیخ کے پروڈکشن آرڈر کے لیے ریٹرننگ افسر کو درخواست جمع کرا دی۔

درخواست میں کہا گیا ہے کہ اسکروٹنی کے عمل حلیم عادل شیخ تائیدہ کنندہ ہیں، اس لیے ان کے پروڈکشن آرڈر جاری کیے جائیں۔

واضح رہے کہ آج حلیم عادل شیخ کے خلاف دہشت گردی کا مقدمہ بھی میمن گوٹھ تھانے میں درج کر لیا گیا ہے، جس میں کارسرکار میں مداخلت، ہنگامہ آرائی، ہوائی فائرنگ کی دفعات شامل کی گئی ہیں۔

حلیم عادل شیخ کا 2 روزہ جسمانی ریمانڈ منظور، جمعے کو پیش کرنے کا حکم

حلیم عادل شیخ اور ان کے ساتھیوں کو آج انسداد دہشت گردی عدالت ملیر میں پیش کیا گیا، پولیس نے عدالت سے 15 دن کے ریمانڈ کی استدعا کی لیکن عدالت نے 2 دن کا ریمانڈ دے دیا۔

دوسری طرف ڈسٹرکٹ کورٹ ملیر میں تجاوزات آپریشن اور کار سرکار میں مداخلت کیس میں، میمن گوٹھ تھانے میں درج مقدمے میں حلیم عادل شیخ کی ضمانت دس ہزار روپے کے عوض منظور کر لی گئی ہے۔

خیال رہے کہ حلیم عادل شیخ پر ضمنی الیکشن میں ہنگامہ آرائی اور فائرنگ کے الزامات ہیں، انھیں گزشتہ روز پولیس نے گرفتار کیا تھا جب کہ حلیم عادل اور ساتھیوں پر کار سرکار میں مداخلت کی دفعات کے تحت بھی مقدمہ درج ہے، حلیم عادل کے خلاف مجموعی طور پر 3 مقدمات درج ہیں۔

Comments

یہ بھی پڑھیں