The news is by your side.

Advertisement

تحریک انصاف کی چیف الیکشن کمشنر سے حمزہ شہباز کو بطور وزیراعلیٰ پنجاب کام سے روکنے کی استدعا

اسلام آباد : تحریک انصاف نے چیف الیکشن کمشنر سے حمزہ شہباز کو بطور وزیراعلیٰ پنجاب کام سے روکنے کی استدعا کردی۔

تفصیلات کے مطابق پنجاب اسمبلی کے منحرف اراکین کے ڈی سیٹ ہونے کے معاملے پر تحریک انصاف کے وکیل فیصل چوہدری نے چیف الیکشن کمشنر کو خط لکھ دیا۔

جس میں کہا گیا کہ حمزہ شہبازالیکشن کمیشن کے فیصلے کے بعد پنجاب میں اکثریت کھوچکے ہیں ، الیکشن کمیشن حمزہ شہباز کو بطور وزیراعلیٰ پنجاب کام سے روکے۔

خط میں کہا ہے کہ الیکشن کمیشن نے 25 منحرف ارکان کی رکنیت ختم کی ہے ، الیکشن کمیشن 20مئی کے فیصلے کے تحت منحرف ارکان کو ڈی نوٹی فائی کرنے کا نوٹی فکیشن جاری کرے۔

تحریک انصاف کا کہنا تھا کہ 5 مخصوص نشستوں پرنئی فہرست کے مطابق ارکان کے نوٹی فکیشن جاری کیے جائیں، تحریک انصاف نے 5 نشستوں پرنام بھی الیکشن کمیشن کو بھجوا دیے۔

خط میں کہا گیا کہ بتول جنجوعہ، سائرہ رضا اورفوزیہ عباس کے نوٹی فکیشن جاری کیے جائیں اور اقلیتی نشستوں پر حبکوک گل اورسیموئیل یعقوب کو ارکان نامزد کیا جائے۔

Comments

یہ بھی پڑھیں