The news is by your side.

Advertisement

پی ٹی آئی کے ارکانِ اسمبلی کی وزیراعظم سے جہانگیر ترین کے معاملے پر ذاتی دلچسپی لینے کی درخواست

اسلام آباد: تحریک انصاف کے تیس ارکان اسمبلی نے وزیراعظم عمران خان سے جہانگیر ترین کے معاملے پر ذاتی دلچسپی لینے کی درخواست کرتے ہوئے ملاقات کے لیے وقت مانگ لیا۔

تفصیلات کے مطابق پاکستان تحریک انصاف کے 6 ارکان قومی اسمبلی ، 19 ارکان پنجاب اسمبلی اور 5مشیران نے وزیراعظم عمران خان کو خط لکھا ، جس میں وزیراعظم سے جہانگیر ترین کے معاملے پر ذاتی دلچسپی لینے کی درخواست کی اور وزیراعظم سےملاقات کے لیے وقت مانگا گیا ہے۔

دوسری جانب جہانگیر ترین کے خلاف تحقیقات کے معاملے پر پاکستان تحریک انصاف سے تعلق رکھنے والے قومی اسمبلی کے چھ، صوبائی اسمبلی کے انیس ارکان نے وزیراعظم سے ملاقات کیلئے بھیجوائی جانے والی درخواست پر دستخط کر دئیے ہیں ، دستخط کرنے والوں میں پانچ مشیر بھی شامل ہیں۔

قومی اسمبلی کے رکن راجہ ریاض نے کہا کہ جہانگیر ترین کے معاملے پر آج درخواست وزیر اعظم کو ارسال کر دی جائے گی، تیس ارکان نے دستخط کر دیئے۔

اس سے قبل تحریک انصاف کے رہنما راجہ ریاض نے میڈیا سے گفتگو کرتے ہوئے کہا تھا کہ خان صاحب آپ سےاپیل ہےکہ سوچیں، ہم بلیک میلرنہیں،تحریک انصاف کے ہمدردلوگ ہیں ، پی ٹی آئی حکومت اورعمران خان کو مضبوط دیکھناچاہتےہیں۔

راجہ ریاض کا کہنا تھا کہ کچھ لوگ جہانگیرترین کےخلاف مقدمےبنارہے ہیں، عمران خان ہمارے کپتان ہیں، ہم کسی قسم کی رعایت نہیں مانگ رہےہیں، جہانگیرترین مقدمات کاسامنا کررہے،ہم ان کے ساتھ ہیں۔

خیال رہے آج جہانگیر ترین کی عدالت میں پیشی کے موقع پر6ارکان قومی اسمبلی اور21ارکان صوبائی اسمبلی اظہار یکجہتی کیلیے عدالت پہنچے تھے۔

Comments

یہ بھی پڑھیں