The news is by your side.

پی ٹی آئی نے چیئرمین سینیٹ سے بڑا مطالبہ کردیا

اسلام آباد: پاکستان تحریک انصاف نے چیئرمین سینیٹ صادق سنجرانی سےاستعفے کا مطالبہ کردیا ہے۔

تفصیلات کے مطابق سینیٹ میں پی ٹی آئی اور متحدہ اپوزیشن کی پارلیمانی پارٹی کا اجلاس ہوا، جس کا اعلامیہ جاری کیا گیا۔

اعلامیے کے مطابق پارلیمانی کمیٹی نے عمران خان پرقاتلانہ حملےکی شدید الفاظ میں مذمت کی جبکہ نامزد ملزمان پرفوری ایف آئی آردرج نہ ہونے پرشرکا نے تحفظات کا اظہار کیا۔

اعلامیے میں مطالبہ کیا گیا کہ متاثرہ فریق کی درخواست کےمطابق فی الفور ایف آئی آردرج کی جائے۔

یہ بھی پڑھیں: حسن نواز کے دفتر کے باہر وال چاکنگ کردی گئی

کمیٹی کی جانب سے عمران خان کی پریس کانفرنس میں کیےگئےچاروں مطالبات کی پر زورتائید کی گئی اور سپریم کورٹ سےان چاروں مطالبات پرفوری ایکشن کی توقع کا اظہارکیا گیا۔

اس کے علاوہ اعظم سواتی کیساتھ بہیمانہ،غیرانسانی،غیراخلاقی سلوک کی شدید الفاظ میں مذمت کی گئی اور ایوان کےمعززممبراعظم سواتی کے تقدس کی پامالی پر چیئرمین سینیٹ سےاستعفی کا مطالبہ کیا گیا۔

Comments

یہ بھی پڑھیں